«Герані-5», якімі Расія атакуе Украіну, ужо разганяюцца да 1000 км/г
Расійскія рэактыўныя ўдарныя беспілотнікі «Герань-5» могуць развіваць хуткасць да 1000 км/г. Пра гэта 29 кастрычніка ў Кіеве заявіў дарадца прэзідэнта Украіны па абаронных тэхналогіях Сяргей «Флэш» Бяскрэснаў падчас размовы з журналістамі, піша УНІАН.
Паводле слоў «Флэша», такія паказчыкі фіксавалі падчас манеўравання расійскіх беспілотнікаў. Ён падкрэсліў, што Украіне неабходна апярэджваць Расію ў тэхналагічным супрацьстаянні.
Бяскрэснаў адзначыў, што расійскі бок мае значныя інжынерныя і навуковыя рэсурсы. Паводле яго слоў, на прадпрыемстве ў Алабузе працуюць дзясяткі тысяч высокакваліфікаваных інжынераў, а таксама шмат маладых спецыялістаў з розных рэгіёнаў Расіі, якія займаюцца распрацоўкай тэхналогій, што выкарыстоўваюцца супраць Украіны.
Раней Расія ўжывала беспілотнікі «Герань-3», хуткасць якіх складала каля 280—300 км/гадз. Пазней расійскія войскі перайшлі да больш хуткіх мадыфікацый, што прымусіла ўкраінскіх распрацоўшчыкаў шукаць новыя спосабы перахопу такіх цэляў.
Бяскрэснаў падкрэсліў, што распрацаваць хуткі беспілотнік — толькі частка задачы. Значна складаней стварыць серыйную мадэль, якой будзе лёгка карыстацца. Украінскія вытворцы ўжо дэманстравалі рэактыўныя дроны-перахопнікі, аднак сутыкнуліся з праблемамі ў сістэмах кіравання, навядзення, аўтаматычнага захопу цэляў і наладжвання масавай вытворчасці.
Тым часам, паводле звестак украінскай разведкі, Расія будуе новую пляцоўку для запуску беспілотнікаў каля вайсковага аэрадрома Мілерава ў Растоўскай вобласці, якая мяжуе з часова акупаванай часткай Луганскай вобласці.
Канфігурацыя аб’екта, выяўленая на спадарожнікавых здымках, сведчыць, што ён прызначаны для падрыхтоўкі і запуску рэактыўных ударных беспілотнікаў. Мяркуецца, што адтуль могуць запускаць «Герань-4», «Герань-5» і іх мадыфікацыі.
Паводле папярэдніх ацэнак, пасля завяршэння будаўніцтва пляцоўка зможа забяспечваць да 100 запускаў за суткі. Аднак фактычная інтэнсіўнасць яе выкарыстання будзе залежаць ад паставак беспілотнікаў, наяўнасці паліва і баявых частак, колькасці падрыхтаваных разлікаў, спраўнасці абсталявання і задач, якія ставіць расійскае камандаванне.
Новая расійская ракета «Філін»: чым яна небяспечная і як можа замяніць шахеды
Расія за паўтара месяца пабудавала на мяжы з Украінай буйную базу для ўдараў па ёй
Чым балістычныя ракеты адрозніваюцца ад аэрабалістычных і гіпергукавых
Трамп назваў ідыётамі тых, хто верыць, што Расія і Кітай дапамагаюць Ірану
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары