«Hierani-5», jakimi Rasija atakuje Ukrainu, užo razhaniajucca da 1000 km/h
Rasijskija reaktyŭnyja ŭdarnyja bieśpiłotniki «Hierań-5» mohuć raźvivać chutkaść da 1000 km/h. Pra heta 29 kastryčnika ŭ Kijevie zajaviŭ daradca prezidenta Ukrainy pa abaronnych technałohijach Siarhiej «Fłeš» Biaskresnaŭ padčas razmovy z žurnalistami, piša UNIAN.
Pavodle słoŭ «Fłeša», takija pakazčyki fiksavali padčas manieŭravańnia rasijskich bieśpiłotnikaŭ. Jon padkreśliŭ, što Ukrainie nieabchodna apiaredžvać Rasiju ŭ technałahičnym supraćstajańni.
Biaskresnaŭ adznačyŭ, što rasijski bok maje značnyja inžyniernyja i navukovyja resursy. Pavodle jaho słoŭ, na pradpryjemstvie ŭ Ałabuzie pracujuć dziasiatki tysiač vysokakvalifikavanych inžynieraŭ, a taksama šmat maładych śpiecyjalistaŭ z roznych rehijonaŭ Rasii, jakija zajmajucca raspracoŭkaj technałohij, što vykarystoŭvajucca suprać Ukrainy.
Raniej Rasija ŭžyvała bieśpiłotniki «Hierań-3», chutkaść jakich składała kala 280—300 km/hadz. Paźniej rasijskija vojski pierajšli da bolš chutkich madyfikacyj, što prymusiła ŭkrainskich raspracoŭščykaŭ šukać novyja sposaby pierachopu takich celaŭ.
Biaskresnaŭ padkreśliŭ, što raspracavać chutki bieśpiłotnik — tolki častka zadačy. Značna składaniej stvaryć sieryjnuju madel, jakoj budzie lohka karystacca. Ukrainskija vytvorcy ŭžo demanstravali reaktyŭnyja drony-pierachopniki, adnak sutyknulisia z prablemami ŭ sistemach kiravańnia, naviadzieńnia, aŭtamatyčnaha zachopu celaŭ i naładžvańnia masavaj vytvorčaści.
Tym časam, pavodle źviestak ukrainskaj raźviedki, Rasija buduje novuju placoŭku dla zapusku bieśpiłotnikaŭ kala vajskovaha aeradroma Milerava ŭ Rastoŭskaj vobłaści, jakaja miažuje z časova akupavanaj častkaj Łuhanskaj vobłaści.
Kanfihuracyja abjekta, vyjaŭlenaja na spadarožnikavych zdymkach, śviedčyć, što jon pryznačany dla padrychtoŭki i zapusku reaktyŭnych udarnych bieśpiłotnikaŭ. Miarkujecca, što adtul mohuć zapuskać «Hierań-4», «Hierań-5» i ich madyfikacyi.
Pavodle papiarednich acenak, paśla zaviaršeńnia budaŭnictva placoŭka zmoža zabiaśpiečvać da 100 zapuskaŭ za sutki. Adnak faktyčnaja intensiŭnaść jaje vykarystańnia budzie zaležać ad pastavak bieśpiłotnikaŭ, najaŭnaści paliva i bajavych častak, kolkaści padrychtavanych raźlikaŭ, spraŭnaści abstalavańnia i zadač, jakija stavić rasijskaje kamandavańnie.
Novaja rasijskaja rakieta «Filin»: čym jana niebiaśpiečnaja i jak moža zamianić šachiedy
Rasija za paŭtara miesiaca pabudavała na miažy z Ukrainaj bujnuju bazu dla ŭdaraŭ pa joj
Čym balistyčnyja rakiety adroźnivajucca ad aerabalistyčnych i hipierhukavych
Tramp nazvaŭ idyjotami tych, chto vieryć, što Rasija i Kitaj dapamahajuć Iranu
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary