Rasija za paŭtara miesiaca pabudavała na miažy z Ukrainaj bujnuju bazu dla ŭdaraŭ pa joj
Rasija ŭsiaho za šeść tydniaŭ amal zaviaršyła budaŭnictva novaj bujnoj bazy dla zapusku reaktyŭnych bieśpiłotnikaŭ kala miažy z Ukrainaj. Pra heta paviedamlaje ahienctva Reuters, jakoje praanalizavała spadarožnikavyja zdymki.
Pavodle spadarožnikavych zdymkaŭ kampanij Planet Labs i Airbus, 31 žniŭnia na miescy budučaj bazy ŭ Rastoŭskaj vobłaści, za niekalki kiłamietraŭ ad avijabazy Milerava, było pustoje pole. Na avijabazie dysłakujecca 31‑y hvardziejski źniščalny avijacyjny połk. Budaŭnictva pačałosia ŭžo na nastupny dzień, a da 14 kastryčnika tam źjaviŭsia kompleks płoščaj amal adzin kvadratny kiłamietr.
Zasnavalnik pryvatnaj raźviedvalnaj kampanii DroneSec Majk Mońnik miarkuje, što baza pryznačanaja dla zapusku najnoŭšych reaktyŭnych bieśpiłotnikaŭ «Hierań-4» i «Hierań-5». Na zdymkach u zachodniaj častcy kompleksu vidać vosiem puskavych ustanovak.
Pavodle acenki ekśpierta, baza patencyjna zmoža zabiaśpiečvać zapusk kala 100 reaktyŭnych bieśpiłotnikaŭ u sutki. Čakajecca, što kompleks całkam uviaduć u ekspłuatacyju ŭžo praź niekalki tydniaŭ.
Vierahodna, novuju bazu, jak i samu avijabazu Milerava, budzie prykryvać sistema supraćpavietranaj abarony. Heta moža ŭskładnić sproby ŭkrainskich vojskaŭ atakavać abjekt bieśpiłotnikami, miarkujuć u DroneSec.
Apošnija niekalki miesiacaŭ Rasija aktyŭna vykarystoŭvaje reaktyŭnyja bieśpiłotniki dla ŭdaraŭ pa Ukrainie. U paraŭnańni sa zvyčajnymi dronami jany majuć značna bolšuju dalokaść palotu i chutkaść. Źbić ich składaniej, pakolki jany ruchajucca zanadta chutka dla śpiecyjalizavanych pierachopnikaŭ z elektraruchavikami.
Aerastaty viartajucca na pole boju: jak ich vykarystoŭvaje Ukraina i ci mohuć jany abaranić masty Kijeva
Były kiraŭnik Google: Rasija zdahaniaje Ukrainu ŭ vajskovych technałohijach, a resursaŭ u jaje našmat bolš. Hałoŭnym vyklikam budzie «Rasśviet»
Što takoje rabatyzavanyja tureli, jakija pavinny vyratavać Kijeŭ ad reaktyŭnych «šachiedaŭ»
Zialenski zajaviŭ, što balistyčnaja rakieta FP-9, zdolnaja dalacieć da Maskvy, budzie hatova hetaj vosieńniu
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje23
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary