Prezident Francyi Emanuel Makron zajaviŭ, što ŭ najbližejšuju subotu ŭ krainie zabaroniać usie demanstracyi, akramia šeściaŭ, arhanizavanych prafsajuzami. Takoje rašeńnie ŭłady pryniali, kab nie dapuścić paŭtareńnia vypadkaŭ vandalizmu, maradziorstva i hvałtu, jakija adbylisia ŭ minułyja vychadnyja, paviedamlaje The Moscow Times.
Pra svajo rašeńnie Makron paviedamiŭ 22 kastryčnika paśla sustrečy z kiraŭnikami pravaachoŭnych orhanaŭ. Pa jaho słovach, akcyi, nie arhanizavanyja prafsajuzami, buduć zabaraniać usiudy, dzie heta mahčyma. Prafsajuzam ža dazvolać pravodzić šeści tolki pa kankretnych maršrutach, uzhodnienych z palicyjaj.
U čaćvier palicyja Paryža zabaraniła praviadzieńnie vystupleńniaŭ z 8:00 da 20:00 u šerahu rajonaŭ horada, u tym liku kala prezidenckaha pałaca, na Jelisiejskich Palach i pablizu inšych turystyčnych słavutaściaŭ. Svajo rašeńnie pravaachoŭniki patłumačyli ryzykaj hvałtoŭnych dziejańniaŭ. U hetych miescach dla praviadzieńnia demanstracyj patrabujecca dazvoł uładaŭ. Abmiežavańni ŭviali taksama ŭ niekatorych inšych haradach Francyi.
Kamiendanckaja hadzina, uviedzienaja ŭ asobnych rajonach Paryža i inšych bujnych haradoŭ, u cełym dapamahła stabilizavać situacyju ŭ apošnija dni. Adnak ułady rychtujucca da novaj chvali pratestaŭ u subotu, jakija mohuć znoŭ nabyć masavy charaktar.
Pratesty pačalisia ŭ kancy vieraśnia z vystupleńniaŭ staršakłaśnikaŭ, niezadavolenych situacyjaj u škołach. Siarod ich asnoŭnych pryčyn byli niedachop nastaŭnikaŭ, drenny stan školnych budynkaŭ i pierahružanyja navučalnyja prahramy. Paźniej da pratestaŭ dałučylisia ludzi, niezadavolenyja ahulnym paharšeńniem umoŭ žyćcia.
U minułuju subotu ŭ demanstracyjach pa ŭsioj Francyi ŭdzielničali kala paŭmiljona čałaviek. Niekatoryja akcyi supravadžalisia biesparadkami, rabavańniem kramaŭ i napadami na municypalnyja słužby. U Limožy padpalili budynak meryi. Pieršaha padazravanaha ŭ hetym padpale zatrymali dva dni tamu.
Mery šerahu haradoŭ, u tym liku Paryža, Limoža, Marsiela i Lijona, raskrytykavali pravaachoŭnyja orhany za toje, što tyja nie zmahli praduchilić pahromy. Siarod pryčyn jany nazvali niedachop palicejskich i ich niedastatkovuju padrychtoŭku.
Makron zajaviŭ, što pradstaŭniki ŭłady na miescach buduć zabaraniać demanstracyi, zajaŭki na praviadzieńnie jakich padajuć asoby, što nie majuć na heta zakonnych padstaŭ. Pa słovach prezidenta, ciapier nieabchodna adnavić spakoj u krainie.
U Paryžy kramy, dzie pradajuć pradmiety raskošy, rychtujucca da mahčymych novych biesparadkaŭ. Fłahmanskaja krama Louis Vuitton na Jelisiejskich Palach pastaviła na vitrynach mietaličnyja rašotki. Taksama abaranili vitryny kramy Christian Dior Couture na avieniu Manteń — adnoj z hałoŭnych vulic elitnaha šopinhu ŭ vośmaj akruzie stalicy.
Na vulicy Sent-Anare kala prezidenckaha pałaca mnohija vokny i dźviery zakryli draŭlanymi doškami. U minułuju subotu natoŭp uvarvaŭsia ŭ miascovyja kramy i razrabavaŭ ich, u tym liku buciki Burberry, parfumiernyja kramy Christian Dior i Guerlain. Paciarpieła taksama krama spartyŭnaha adzieńnia Salomon na susiednim bulvary Madlen, jakaja dahetul zastajecca zakrytaj.
Mastacki kirmaš Art Basel Paris skaraciŭ publičnuju prahramu da adnaho dnia — piatnicy. U subotu i niadzielu jon budzie zakryty.
«Šaścipałosnaja aŭtastrada» da prezidenctva. Biesparadki ŭ Francyi ŭzmacniajuć šancy Lo Pen na prezidenctva
Kiraŭnik MUS Francyi padaŭ u adstaŭku, ale Makron nie pryniaŭ
«Hnieŭ i soram». Makron źviarnuŭsia da nacyi paśla pahromaŭ
U Francyi pratesty supravadžajucca pahromami i padpałami. Zatrymali 1200 čałaviek
U subotu pa ŭsioj Francyi prakacilisia masavyja pratesty
Kamientary
Ciapier jaho 12-15% raptam kaštujuć značna vyšej i dla sacyjał-demakrata Hlukmana, i dla halista Filipa.