«Jak francuzy mohuć rabić takoje z Francyjaj?»
Prezident Francyi asudziŭ hvałt i zaklikaŭ da spakoju, pakul Francyja padličvaje straty ad najhoršych chvalavańniaŭ za apošnija hady. Zatrymanyja 2400 čałaviek.
Emanuel Makron vystupiŭ z telezvarotam uviečary 18 kastryčnika — paśla adnych z najbujniejšych biesparadkaŭ u Francyi za apošnija hady. Napiaredadni pa krainie prajšli masavyja demanstracyi suprać rostu cen i biurakratyi. U šerahu haradoŭ jany supravadžalisia sutyknieńniami, padpałami i rabavańniem kram.
«Hledziačy na hetyja kadry, my ŭsie pytalisia: što ŭ ich u hałavie? Jak francuzy mohuć rabić takoje z Francyjaj?» — skazaŭ Makron.
«Ništo hetaha nie apraŭdvaje, ničym hetaha nie tłumačycca, nijak hetaha nie vybačajecca. Siońnia ŭviečary my ŭsie adčuvajem hnieŭ i soram».
Pavodle ministra ŭnutranych spraŭ Łarana Nuńjesa, pa ŭsioj krainie zatrymali kala 2400 čałaviek, amal tysiača palicejskich atrymali traŭmy.
U niadzielu sutyknieńni adnavilisia ŭ Paryžy i Marsieli. Na paryžskaj płoščy Respubliki palicyja znoŭ užyła ślezaciečny haz. Tam sabralisia niekalki sotniaŭ čałaviek, hareli hrudy rovaraŭ.
Makron uskłaŭ adkaznaść za pahromy na hrupoŭki ŭltralevych i złačyncaŭ, jakija dałučylisia da ich. Adnačasova jon padkreśliŭ: nielha źmiešvać ich z sotniami tysiač ludziej, jakija mirna vyjšli z zakonnymi patrabavańniami.
Prezident daručyŭ prefiektam razam z merami prymać miery dla abarony haradoŭ, u tym liku pry nieabchodnaści zabaraniać asobnyja schody. Jon taksama zapatrabavaŭ vyśvietlić, čamu siłaviki nie zmahli zahadzia padrychtavacca da takoha maštabu hvałtu.
«Tyja, chto razburaŭ, pavinny zapłacić. Tyja, chto rabavaŭ, pavinny kampiensavać straty», — zajaviŭ jon.
Na 19 kastryčnika zapłanavana pasiadžeńnie ŭradavaha kryzisnaha štaba.
Premjer Siebaśćien Lekarniu taksama musić sabrać liceistaŭ, studentaŭ, vykładčykaŭ, prafsajuzy, pracadaŭcaŭ i parłamientaryjaŭ dla vypracoŭki kankretnych prapanoŭ.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje13
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju44
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju4
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
Ale tam pieravažna byli nie francuzy.