Pucin: Apošnija hienietyčnyja daśledavańni śviedčać, što ruskija i ŭkraincy — adzin narod
Prezident Rasii Uładzimir Pucin u intervju prapahandystu Paŭłu Zarubinu zajaviŭ, što akupavanyja Rasijaj ukrainskija terytoryi jon ličyć histaryčnaj častkaj Rasii, a rasijan i ŭkraincaŭ — «adnym narodam».
Na dumku rasijskaha kiraŭnika, havaryć pra terytaryjalnyja straty Ukrainy, maŭlaŭ, niedarečna.
«Pa-pieršaje, majo staŭleńnie da hetaha takoje: heta nie ich terytoryja, heta histaryčna terytoryja Rasii», — zajaviŭ Pucin.
Jon śćviardžaje, što žychary hetych terytoryj spačatku prahałasavali za dziaržaŭnuju niezaležnaść, a zatym — za ŭźjadnańnie z Rasijskaj Fiederacyjaj.
Pa słovach Pucina, Rasija pa-raniejšamu hatovaja vieści pieramovy i šukać vyjście sa składanaj situacyi. Jon nazvaŭ ukraincaŭ vielmi blizkim rasijanam narodam.
«My i ciapier hatovyja damaŭlacca i šukać raźviazki hetaj ciažkaj, niaprostaj situacyi. U tym sensie, što heta (ukraincy) — vielmi blizki nam narod, razumiejecie, što tut kazać. Apošnija hienietyčnyja daśledavańni pakazvajuć, što heta — adzin narod na samaj spravie».
Pucin taksama paviedamiŭ, što Rasija prainfarmavała ZŠA pra hatoŭnaść adnavić pieramovy ŭ trochbakovym farmacie. Pavodle jaho słoŭ, ich metaj pavinny stać dasiahnieńnie kančatkovaha miru i harantavańnie biaśpieki Rasii.
«My hatovyja adnavić hetyja kantakty dla dasiahnieńnia hetaj mety», — skazaŭ Pucin.
Uvohule, jak jon śćviardžaje:
«Kijeŭ sam vybraŭ vajavać — «kali łaska». Rasija prapanavała Ukrainie dapamahčy damovicca z Danbasam, ale Kijeŭ vybraŭ harmaty».
Rasija ž, maŭlaŭ, «z samaha pačatku vystupała za mirnaje vyrašeńnie kanfliktu».
Ci moža Biełaruś stać demakratyčnaj pry žyvym Pucinie? Karbalevič pra strachi Łukašenki i toje, što budzie paśla jaho
Pucin nie pieradavaŭ Uitkafu piśmovych prapanoŭ pa ŭrehulavańni vajny
Ździełka Trampa z Pucinym: čym za jaje mohuć zapłacić Ukraina i Biełaruś
U Jeŭropie abmiarkoŭvajuć, chto moh by vieści pieramovy z Pucinym ad jaje imia
Tramp adkazaŭ, ci ličyć jon Pucina humanistam
Kamientary
Z.Y. u Navinkach taksama bahata što ščytajuć, hałoŭnaje kab rasiejanie nie razvučylisia kalkulataram karystacca kali da kramy chodziać