U Francyi paśla mirnych akcyj znoŭ uspychnuli biesparadki. Zatrymali amal tysiaču čałaviek
Sotni tysiač ludziej vyjšli na vulicy francuzskich haradoŭ 24 kastryčnika, pratestujučy suprać darahavizny i drennych umoŭ u navučalnych ustanovach. Bolšaść demanstracyj dniom prajšła mirna, ale ŭviečary znoŭ pačalisia sutyčki z palicyjaj, paviedamlaje BBC.
Pavodle Ministerstva ŭnutranych spraŭ Francyi, u akcyjach udzielničali kala 400 tysiač čałaviek. Prafsajuzy acanili kolkaść udzielnikaŭ prykładna ŭ 800 tysiač.
Dla achovy paradku pa ŭsioj krainie zadziejničali kala 70 tysiač palicejskich. Ułady imknulisia nie dapuścić paŭtareńnia biesparadkaŭ papiarednich vychadnych, kali ŭ roznych haradach palili budynki i rabavali kramy.
U Paryžy sutyčki pačalisia naprykancy mirnaha šeścia. Častka ŭdzielnikaŭ budavała barykady, kidała ŭ palicejskich roznyja pradmiety i fiejervierki. Ludzi ŭ maskach raźbivali vokny aŭtasałona. Palicyja ŭžyvała dubinki, ślezaciečny haz i vadamioty.
U Marsieli padpalvali śmiećcievyja baki i barykady, u Bardo zdymali doški z budynkaŭ, kab pieraharadzić vulicu. U Lijonie palicyja razahnała ślezaciečnym hazam natoŭp, jaki, pavodle paviedamleńniaŭ, sabraŭsia ŭ zabaronienaj dla akcyj zonie.
Ministr unutranych spraŭ Łaran Nuńjes paviedamiŭ pra amal tysiaču zatrymanych i papiaredziŭ, što ich kolkaść moža pavialičycca. Dva čałavieki atrymali ciažkija traŭmy — u Tułuzie i Klermon-Fieranie.
Pry hetym maštabnych rabavańniaŭ, jak tydniem raniej, udałosia paźbiehnuć.
Paśla biesparadkaŭ 17 kastryčnika ŭ Francyi zatrymali bolš za 2500 čałaviek, u šerahu haradoŭ uviali kamiendanckuju hadzinu. Emanuel Makron taksama rasparadziŭsia dazvalać tolki demanstracyi, arhanizavanyja pryznanymi prafsajuzami. Sotni ludziej užo atrymali turemnyja terminy za vandalizm, padpały i rabavańni.
Pratestoŭcy narakajuć na rost koštaŭ, vysokija padatki i toje, što ŭłada nie čuje ich patrabavańniaŭ.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy22
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary