Інцыдэнт адбыўся ў суботу, калі супрацоўніца парку даглядала ў вальеры двух персідскіх леапардаў.
Супрацоўніца нідэрландскага заапарка памерла пасля нападу леапарда, пацвердзіла кіраўніцтва сафары-парка Beekse Bergen. Жанчына прапрацавала ў парку 40 гадоў, піша Бі-бі-сі.
Інцыдэнт адбыўся ў суботу, калі супрацоўніца парку клапацілася ў вальеры пра двух персідскіх леапардаў.
Яна атрымала цяжкія траўмы галавы і шыі і перанесла неадкладную аперацыю, аднак у аўторак парк паведаміў пра яе смерць.
Адміністрацыя заявіла, што абставіны інцыдэнту будзе расследаваць незалежная камісія.
Паводле паведамлення парку Beekse Bergen, размешчанага на поўдні Нідэрландаў, жанчына пачала працаваць там у 17 гадоў і з перапынкамі прысвяціла гэтаму месцу чатыры дзесяцігоддзі.
«Яе смерць глыбока ўзрушыла ўсіх нас. Мы выказваем шчырыя спачуванні яе сям’і, сябрам і блізкім. Цяпер наш прыярытэт — падтрымка сям’і і калег», — гаворыцца ў заяве.
Двух леапардаў звычайна ўтрымліваюць асобна ад персаналу, але з-за надвор’я іх перавялі ў іншы вальер.
Што менавіта там адбылося, пакуль невядома, бо ўнутры няма камер відэаназірання.
Паводле мясцовага выдання NL Times, нягледзячы на цяжкія раненні, жанчына змагла выклікаць калег па рацыі. Пазней яе ў крытычным стане даставілі ў бальніцу на верталёце.
Прэс-сакратар парку паведаміў мясцоваму тэлеканалу Omroep Brabant, што леапарды паводзілі сябе ў адпаведнасці са сваёй прыродай, таму ўсыпляць іх не будуць.
«Яны драпежнікі і застаюцца імі», — адзначыў ён.
У Beekse Bergen таксама паведамілі, што створаць месца памяці, дзе наведвальнікі і супрацоўнікі змогуць пакінуць словы спачування.
«Яны драпежнікі і застаюцца імі», — адзначыў ён.
У Beekse Bergen таксама паведамілі, што створаць месца памяці, дзе наведвальнікі і супрацоўнікі змогуць пакінуць словы спачування.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары