Былы следчы Юшкевіч: Сапега малайчына. Паводзіла сябе больш годна за таго, хто паказваў сябе гэткім мача
Яўген Юшкевіч — былы следчы і былы палітвязень — расказаў, што асабіста чытаў пратаколы допытаў Соф’і Сапегі і быў уражаны тым, як яна трымалася на следстве. Пасля выхаду інтэрв’ю Сапегі Юшкевіч пра гэта напісаў у Threads: «Яе допыты я чытаў уласнымі вачыма і нават выпісваў сабе фармулёўкі, каб некалі расказаць, што яна малайчына».
Сёння пасля выхаду інтэрв'ю Соф'і Сапегі мяне разбудзілі званкамі з просьбай даць каментар. Добра.
1. Усё, што яна кажа (і што пры гэтым ведаю я адначасова), — найчысцейшая праўда. Проста аж да даслоўнасці.
2. Яна забылася расказаць, што ў самалёце яна ВЫДАЛІЛА свой тэлеграм з прылад. Яго пазней аднаўлялі. Гэта наўпрост вынікала з пытанняў да яе падчас следства. Яе допыты (шмат) я чытаў на ўласныя вочы і нават выпісваў сабе фармулёўкі, каб калі-небудзь расказаць, што яна малайчына. Яна малайчына.
Я крыху разбіраюся ў правядзенні допытаў і вось я чытаў яе допыты і бачыў, як спачатку яна адмаўлялася даваць паказанні, як САМА нічога не аддавала і не паведамляла, як «марозіла» следчага, як потым гаварыла толькі тое, што і так ужо было па тэлевізары. Глядзеў на даты, на фактычныя звесткі, якія яна (не) давала, і быў прыемна здзіўлены. Памятаю, што я спецыяльна выпісваў яе фразы (даволі крутыя для неспрактыкаванай дзяўчыны) накшталт «не памятаю дастаткова добра, каб я магла адказаць». І проста «ВАЎ».
А калі яна яшчэ і НЕ схлусіла ў КДБ пра мяне самога, я ўжо вырашыў расказваць пра яе ў турмах проста ўсім палітычным, каму цікава, асабліва па ЧКБ (ім давалі вялікія тэрміны, яны часта злаваліся на яе).
Мае запісы, на жаль, забралі (скралі), і цытат я прывесці не змагу, прайшло пяць гадоў, але гэтыя запісы я рабіў мэтанакіравана:
хацеў калі-небудзь расказаць, што Соф'я паводзіла сябе нашмат больш годна, чым тыя, хто паказваў сябе гэткім мача і купаўся ва ўласнай пыхлівасці. Усё — гэты гештальт закрыты.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
Сапега падпісала дамову аб супрацоўніцтве. Гэта ў яе інтэрв'ю...
-І шо? Пры пэўных умовах вы бы падпісаліся ў тым што вы Мікі Маўс,але вы жа не Мікі Маус?