Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
Васямнаццаць гадоў Дзіяне Дземідовіч споўнілася зусім нядаўна — 1 кастрычніка. Мяркуючы па яе тыктоках, у трагічны вечар дзяўчына, у якой не было пасведчання кіроўцы, не ўпершыню села за руль чужой машыны.
Сама Дзіяна з Вілейкі, вучылася ў Вілейскім дзяржаўным каледжы. Прыгожая дзяўчына, якая любіла рабіць сэлфі з вялікімі букетамі кветак і здымаць відэа пад папулярную музыку. Каб крыху падзарабіць, прадавала вадкасць для вэйпаў.
У яе сацсетках яшчэ вісіць сторыс, якую Дзіяна запісала ўчора — падпявае песні «Чьё имя берегу» Алены Бурхат і TRUEтня.
Свой васямнаццаты дзень нараджэння Дзіяна адсвяткавала толькі на пачатку кастрычніка — павіншаваць яе сабралася шмат сваякоў. Усё як мае быць: стол, які ломіцца ад прысмакаў, кветкі, геліевыя шарыкі, вялікія ружовыя лічбы 1 і 8. Шчаслівая Дзіяна з каронай на галаве фатаграфавалася з гасцямі. Ніхто ўжо не даведаецца, што яна загадала ў той вечар, калі задзімала свечкі на торце.
Учора вечарам Дзіяна, у якой не было пасведчання кіроўцы, села за руль Volkswagen. Імаверна, гэта было не ўпершыню. У сацсетках дзяўчыны ёсць відэа, якія яна запісвала ў машыне на месцы кіроўцы.
Каля 20:40 на 104‑м кіламетры Р-28 Мінск — Маладзечна — Нарач на закругленні дарогі ўправа дзяўчына вылецела на сустрэчную паласу і сутыкнулася з Mitsubishi.
Двое яе сяброў з Маладзечна — хлопцам было 19 і 21 гадоў — таксама загінулі. Кіроўцу Mitsubishi даставілі ў бальніцу.
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
Хто быў той байкер, які справакаваў смяротную гонку па вуліцах Брэста, у якой загінулі трое — у тым ліку і ён сам
У Докшыцкім раёне загінула 22‑гадовая мадэль з Санкт-Пецярбурга
20‑гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?8
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары