Рэстараны на Сардзініі ўводзяць забарону на смартфоны за сямейным сталом
На італьянскім востраве Сардзінія 15 рэстаранаў на месяц адмовяцца ад смартфонаў за сямейнымі сталамі.
Эксперымент закліканы дапамагчы бацькам і дзецям больш размаўляць падчас ежы, а не праводзіць час, утаропіўшыся ў экраны, піша Bild.
Ініцыятыву «За сталом без экранаў» запусціла ўпаўнаважаная па правах дзяцей і падлеткаў Сардзініі Ганна Кау супольна з мясцовым аддзяленнем рэстараннай асацыяцыі Fipe-Confcommercio. Установы далучыліся да праекта добраахвотна.
Замест тэлефонаў сем'ям прапануюць адмысловы набор з настольнымі гульнямі, размалёўкамі і іншымі заняткамі для дзяцей. У яго таксама ўвойдуць рэкамендацыі педыятраў пра рызыкі празмернага выкарыстання лічбавых прылад і парады па карыстанні сацыяльнымі сеткамі.
Арганізатары лічаць, што смартфоны ўсё часцей замяняюць сямейныя размовы, а бацькі нярэдка даюць іх дзецям, каб тыя не сумавалі ў чаканні ежы. Праект павінен дапамагчы вярнуць сумесным абедам і вячэрам іх сацыяльную ролю.
Калі эксперымент будзе паспяховым, яго могуць распаўсюдзіць на іншыя рэстараны вострава.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары