У Докшыцкім раёне загінула 22‑гадовая мадэль з Санкт-Пецярбурга
Жыццё Эліны Міхайлавай трагічна абарвалася ля вёскі Кальнік у Докшыцкім раёне, калі сустрэчная машына ўрэзалася ў «Кія», у якой ехала расіянка.
Трагедыя здарылася ў апошні дзень лета. Эліна ехала з парай сяброў — Ганнай і Дзянісам (тыя планавалі пабрацца шлюбам праз месяц) на легкавіку «Kia». За рулём быў яе каханы — 22‑гадовы Руслан Андрэеў. Дзяўчына сядзела побач з кіроўцам.
У афіцыйных зводках ДТЗ апісана сціпла: каля 14:30 на 113‑м кіламетры трасы «Мінск-Віцебск» 51‑гадовы кіроўца Ford Galaxy выехаў на сустрэчную паласу і сутыкнуўся з тым самым Kia.
У выніку лабавога сутыкнення Эліна аказалася заблакаваная ў аўтамабілі разам з кіроўцам. Даставалі іх ратавальнікі.
Усіх пацярпелых у ДТЗ адправілі ў бальніцы. У Руслана шматлікія траўмы і пераломы, пашкоджаная галава. Ганна была ў цяжкім стане — вялікая страта крыві, адкрытая чэрапна-мазгавая траўма галавы, зламаныя рэбры, мноства пераломаў таза і ног, дзяўчыне выдалілі селязёнку. Больш за ўсіх пашанцавала Дзянісу, які ў выніку змог самастойна вярнуцца ў Расію.
Эліна ж загінула на месцы — яе ўжо пахавалі ў Санкт-Пецярбургу.
Яшчэ ў школьныя гады дзяўчына актыўна займалася мадэлінгам. У яе анкеце пазначана, што Эліна скончыла мастацкую школу, займалася ў тэатральным калектыве, вучылася сучасным танцам. Ужо ў школьныя гады Эліна Міхайлава працавала як прафесійная мадэль — удзельнічала ў паказах расійскіх і еўрапейскіх брэндаў, здымалася ў рэкламе.
Яна ўдзельнічала ў паказах сеткавых еўрапейскіх і расійскіх брэндаў. У 2017 годзе дзяўчына дэфілявала па подыуме на Дзіцячым тыдні моды ў Крыме CrimeanFashion Kids Week.
Пасля школы Міхайлава паступіла ў Расійскі дзяржаўны педагагічны ўніверсітэт.
Хто быў той байкер, які справакаваў смяротную гонку па вуліцах Брэста, у якой загінулі трое — у тым ліку і ён сам
Пад Тамбовам на беларускага дальнабойшчыка ляцеў п'яны ў дым кіроўца. Беларус паспрабаваў зрабіць як лепш, але не пашанцавала
Госця санаторыя «Беларусь» паехала катацца на мапедзе па начным Сочы з п'яным шэф-кухарам без правоў. І загінула
Паехаў на адпачынак з жонкай і дочкамі, але дадому не вярнуўся. У аварыі ў Грузіі загінуў 38‑гадовы мінчук Сяргей
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары
А хто вінны ў ДТЗ?