Еўрасаюз выключыў згадкі пра «асацыяванае членства» з апошняй версіі праекта сумеснай дэкларацыі, якую плануецца прыняць па выніках саміту ЕС — Канада ў Манрэалі ў чацвер і пятніцу, 29—30 кастрычніка, піша Euronews.
У абноўленым дакуменце, разасланым краінам-членам у сераду, ранейшую фармулёўку замянілі на «яшчэ больш цеснае супрацоўніцтва» паміж ЕС і Канадай. Змена адбылася на патрабаванне Германіі, якая выступіла супраць ідэі асацыяванага членства, якое не прадугледжанае статутнымі дакументамі ЕС.
Апошнімі днямі апарат старшыні Еўрапейскай рады Антоніу Кошты праводзіў напружаныя кансультацыі з краінамі ЕС, найперш з Германіяй, якая настойвала на змене фармулёўкі ў палітычнай дэкларацыі.
Старшыня Еўракамісіі Урсула фон дэр Ляен прапанавала разгледзець магчымасць асацыяванага членства Канады ў сваім штогадовым звароце «Аб становішчы Саюза» да Еўрапарламента ў мінулым месяцы. Яна запрасіла Канаду стаць першай краінай з такім статусам.
Першапачатковы праект дэкларацыі разаслалі дзяржавам-членам у аўторак. Дакумент разглядаўся паводле працэдуры, пры якой ён лічыцца прынятым, калі ніводная краіна не выказвае прамых пярэчанняў. Але супраць першапачатковай версіі выступілі Германія, Францыя, Італія і Грэцыя.
Найбольш рашуча супраць тэрміна «асацыяванае членства» выступіла Германія, хоць раней канцлер Фрыдрых Мерц сам прапаноўваў надаць падобны статус Украіне, каб гарантаваць Кіеву гарантыі бяспекі да яе паўнавартаснага ўступлення ў ЕС.
Берлін лічыць, што спачатку неабходна вызначыць, што канкрэтна будзе азначаць больш цеснае супрацоўніцтва з Канадай.
На думку нямецкага боку, не варта падганяць пакет дамоўленасцяў пад тэрмін, якога няма ў дамовах ЕС і выкарыстанне якога можа мець сур’ёзныя юрыдычныя наступствы.
Прэм’ер-міністр Канады Марк Карні аддае перавагу фармулёўцы «альянс дзеля будучыні». Ён заяўляе, што хоча засяродзіцца на змесце дамоўленасцяў, а выбар тэрміналогіі пакідае на меркаванне Еўрасаюза.
Апошнюю версію дэкларацыі зноў разаслалі краінам-членам для ўзгаднення паводле той жа працэдуры. Дакумент будзе лічыцца прынятым, калі дзяржавы ЕС не выкажуць пярэчанняў да другой паловы дня ў чацвер.
ЕС і Канада ствараюць новы альянс з удзелам іншых краін, але без ЗША, Кітая і Расіі
Мерц заявіў пра завяршэнне «эры безумоўнага трансатлантычнага сяброўства»
Прэм'ер Канады прывітаў збліжэнне з Еўрасаюзам, але акрэсліў межы членства
Трамп прыгразіў спыніць гандаль з ЕС у выпадку далучэння да блока Канады
Канада можа стаць першым асацыяваным членам Еўрасаюза
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары