Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»
«Viedźma pa-za sistemaj», — paviedamlaje pra siabie niaviesta Ramana Pratasieviča ŭ sacsietkach. Jašče ŭ śniežni jana pisała, što źmiryłasia, što nie vyjdzie zamuž — a ciapier rychtujecca da viasiella.
Raman Pratasievič, jaki niadaŭna staŭ viadučym STB, treci raz ženicca.
Na instahram dziaŭčyny, jakoj jon zrabiŭ prapanovu ruki i serca, źviarnuŭ uvahu telehram-kanał «Biełaruś hałaŭnoha mozha».
29‑hadovuju niaviestu Ramana zavuć Nastaśsia Łabazanava, jana pracuje miedrabotnikam. Niekalki tydniaŭ tamu dziaŭčyna zvolniłasia ź dziaržaŭnaj palikliniki — i pryśviaciła hetamu dopis u Threads, u jakim nazvała siabie ščaślivym čałaviekam.
Raniej Nastaśsia pracavała ŭ pryvatnym miedycynskim centry «Miersi» (zdymki adtul jość u sakaviku 2025 hoda, a ŭ śniežni 2024‑ha dziaŭčyna adznačała ź imi karparatyŭ). Heta klinika źviazanaja sa znajomymi siamji Łukašenki.
Akramia miedycyny, dziaŭčyna zajmajecca varažboj i zapisvaje dla tyktoku videa pra matrycu losu.
Imavierna, adnosiny ŭ pary raźvivalisia imkliva — bo ŭ sacsietkach Nastaśsi možna znajści historyi, jak jana jašče za try miesiacy da prapanovy Ramana chadziła na spatkańni.
A letaś u śniežni jana pisała ŭ Threads: «Dziaŭčaty, chto źmiryŭsia z tym, što zamuž my ŭžo nie vyjdziem? Staŭcie łajki», — i sabrała ažno 3200 łajkaŭ.
Darečy, prapanovu Pratasievič zrabiŭ u Dzień usich zakachanych u staličnym bary «Saprana». Baćki dziaŭčyny, zdajecca, takim vybaram dački zadavolenyja. Jaje maci napisała ŭ kamientaryjach: «Dačuška maja lubimaja, tak pryjemna bačyć ciabie ščaślivaj i kachanaj! My z tatam vielmi rady za vas! Nu što, rychtujemsia da viasiella?».
«Adnoj žyć mnie padabałasia bolš», — ščyra pryznajecca Nastaśsia.
Nahadajem: dla Ramana Pratasieviča heta budzie ŭžo treci pachod u ZAHS. Da hetaha jon dvojčy žaniŭsia z Marharytaj Hryckievič. Taja skončyła Minski miedycynski ŭniviersitet i niekatory čas pracavała pravizarkaj-receptarkaj u minskaj aptecy. A jašče rabiła raskłady na kartach taro, jak i ciapierašniaja abrańnica.
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča12
Kamientary