Štučny intelekt pastaviŭ pad sumnieŭ aŭtarstva samaj darahoj karciny ŭ śviecie
Karcinu Leanarda da Vinčy za $450 miljonaŭ ŠI paličyŭ padrobkaj.
Karcinu «Zbaŭca śvietu», aŭtaram jakoj ličać Leanarda da Vinčy, moh napisać inšy čałaviek — da takoj vysnovy pryjšła brazilskaja sistema štučnaha intelektu Luminari. Pavodle analizu, ź imaviernaściu 81% tvor napisaŭ nie sam Leanarda, a jaho vučań Džavani Antonia Baltrafia, piša BILD.
U 2017 hodzie karcinu pradali na aŭkcyjonie Christie's za rekordnyja 450,3 miljona dołaraŭ. Pakupnikom, jak ličycca, staŭ naśledny prync Saudaŭskaj Aravii Muchamied bin Sałman. Z taho času pałatno nie vystaŭlali na publicy.
Vyniki analizu apublikavaŭ partał Martin Cid. Ekśpierty zaklikajuć nie ličyć hetuju acenku dokazam.
Pradprymalnik u śfiery štučnaha intelektu Volfhanh Rojter zajaviŭ vydańniu, što imaviernaść u 81% — heta tolki ŭskosnaja prykmieta. Mastactvaznaviec i śpiecyjalist pa tvorčaści Leanarda Frank Ciolnier adznačyŭ, što surjozny analiz z dapamohaj štučnaha intelektu moža być karysnym, ale nie zdolny kančatkova vyrašyć usie sprečki ab aŭtarstvie.
Historyja karciny poŭnaja zahadak. U 2005 hodzie mocna paškodžanaje pałatno nabyli na rehijanalnym aŭkcyjonie ŭ Ńju-Jorku ŭsiaho za 1175 dołaraŭ. Paśla restaŭracyi jaho prypisali Leanarda da Vinčy.
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami4
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Takija rečy vyličać vielmi dakładna.
Heta jaho tak by mović kaniok - raźlik vahaŭ i padhonka madelaŭ.
Ale, viadoma dla taho treba spačatku pakazać jamu niekalki tysiač rabot z dakładna vyznačanym aŭtaram.