«Ci jość sens za ich čaplacca?» Pucin namiaknuŭ pra hatoŭnaść spynić vajnu, kali jamu zdaduć Danbas
Prezident Rasii Uładzimir Pucin padčas svajho vystupu na dyskusijnym kłubie «Vałdaj» u Istry pad Maskvoj zajaviŭ, što chacieŭ by jak maha chutčej spynić vajnu z Rasijaj šlacham mirnych pieramoŭ, kali Rasija atrymaje kantrol nad usioj Danieckaj vobłaściu.
«Nam by chaciełasia ŭsio heta jak maha chutčej spynić, z dapamohaj, pryčym, mirnych pieramoŭ. Treba tolki pierastać abvinavačvać Rasiju ŭ tym, što my nie chočam hetych pieramoŭ, a, zychodziačy z realij, jakija składvajucca na ziamli, prymać adkaznyja rašeńni — jak samoj Ukrainie, tak i jaje sponsaram na Zachadzie. Pierš za ŭsio, viadoma, siońnia ŭ Jeŭropie», — skazaŭ Pucin.
Jon zajaviŭ, što, pavodle jahonych źviestak, Rasija tolki za vierasień uziała pad kantrol 1301 kvadratny kiłamietr terytoryi. Pucin śćviardžaje, što heta ŭ 2,5 raza bolš, čym u papiarednija miesiacy, i što tempy nastupu rasijskich vojskaŭ pavialičvajucca.
Pa słovach Pucina, Ukraina ciapier kantraluje tolki kala 11% terytoryi Danieckaj vobłaści.
Adnak hetyja ličby nie supadajuć z acenkami inšych krynic. Pavodle ŭkrainskaha OSINT-prajekta DeepState, za ŭvieś vierasień Rasija zachapiła kala 45 kvadratnych kiłamietraŭ terytoryi pa ŭsioj linii frontu. «Radyjo Svaboda» ŭ kancy žniŭnia paviedamlała, što pad kantrolem Ukrainy zastavałasia kala 18% terytoryi Danieckaj vobłaści.
Pucin taksama zajaviŭ, što na ŭkrainskim vyšejšym uzroŭni nibyta ličać mahčymym utrymlivać astatnija 11% terytoryi Danieckaj vobłaści jašče paŭtara hoda, a ŭ Jeŭropie, pavodle jaho słoŭ, havorać pra dva hady. Jon śćviardžaje, što strata hetych terytoryj adbudziecca značna raniej z ulikam, jak jon skazaŭ, usio bolšych tempaŭ prasoŭvańnia rasijskich vojskaŭ.
U suviazi z hetym Pucin pastaviŭ pytańnie, ci jość sens Ukrainie praciahvać utrymlivać hetyja terytoryi, kali, pavodle jaho acenki, ich strata niepaźbiežnaja.
«Kali strata hetych terytoryj niepaźbiežna adbudziecca, ci jość sens za ich čaplacca, achviarujučy ludźmi, ich biaśpiekaj i žyćciami?» — zapytaŭsia Pucin.
Pavodle padlikaŭ amierykanskaha Instytuta vyvučeńnia vajny (ISW), ź lutaha 2022 hoda Pucin jak minimum 15 razoŭ nazyvaŭ terminy zachopu Rasijaj Danieckaj vobłaści, samy rańni — 9 maja 2022 hoda. Ciapier, adznačajuć u ISW, RF maje namier zachapić Danbas da kanca 2026 hoda, ale pry zachavańni ciapierašnich tempaŭ prasoŭvańnia zmoža zrabić heta nie raniej za 2032 hod.
Padčas vybuchu na abaronnym chimzavodzie ŭ Padmaskoŭi zahinuli jak minimum siem čałaviek
Mark Rute: U Rasii niama šancaŭ nas pieramahčy
Premjer-ministr Bałharyi zaklikaŭ Jeŭropu pajści na sastupki Pucinu
Dla Pucina na Urale pabudavali «bunkier Sudnaha dnia» na vypadak jadziernaj vajny
Pucin čaćviorty raz z pačatku hoda pavialičyŭ štatnuju kolkaść rasijskaha vojska
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt5
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Ukraina zaŝiŝajet svoju stranu, svoi tierritorii, svoju niezavisimosť, i v etom smysł, tut niet voprosa, no Putin... Vot hdie vopros.