Zachodnija pasolstvy na ŭsialaki vypadak rychtujuć płan pierajezdu z Kijeva
Zachodnija krainy na fonie ŭzmacnieńnia rasijskich udaraŭ pa Kijevie rychtujuć płan mahčymaj evakuacyi svaich pasolstvaŭ sa stalicy Ukrainy ŭ Lvoŭ abo ŭ Polšču. Pra heta 2 kastryčnika paviedamiła brytanskaja hazieta The Guardian sa spasyłkaj na dvuch vysokapastaŭlenych dypłamataŭ.
Adzin z surazmoŭcaŭ vydańnia zajaviŭ, što Rasija imkniecca pazbavić Kijeŭ elektryčnaści i inšych nieabchodnych resursaŭ, a situacyja, pavodle jaho acenki, chutka paharšajecca.
Pry hetym publična zachodnija dypłamaty zajaŭlajuć, što majuć namier zastavacca ŭ Kijevie. Jany ličać, što vyjezd pasolstvaŭ staŭ by dla Maskvy prapahandysckim pośpiecham i moh by stvaryć uražańnie, što Ukrainu pakinuli biez padtrymki.
Ź vieraśnia rasijskija vojski praktyčna kruhłasutačna atakujuć Kijeŭ rakietami i bieśpiłotnikami. Siarod abjektaŭ, jakija paciarpieli ad udaraŭ — škoły, balnicy i centry apracoŭki danych.
Uładzimir Zialenski ŭ intervju Financial Times zajaviŭ, što Kreml uzmacniŭ pavietranyja ŭdary, kab zapałochać cyvilnaje nasielnictva, prymusić ludziej pakidać harady i asłabić zdolnaść Ukrainy praciahvać vajnu. Pavodle jaho słoŭ, asnoŭnymi celami rasijskich udaraŭ źjaŭlajucca Kijeŭ, Charkaŭ i Adesa.
Pry hetym ukrainskija i jeŭrapiejskija pradstaŭniki słužbaŭ biaśpieki, znajomyja z raźviedvalnaj infarmacyjaj, ličać, što ŭ rasijskich płanach taksama jość Lvoŭ, jaki źjaŭlajecca važnym łahistyčnym centram kala polskaj miažy.
2 kastryčnika hazieta The New York Times paviedamiła, što Ukraina pierachapiła rasijski dakumient z płanam udaraŭ pa enierhietyčnaj infrastruktury bujnych ukrainskich haradoŭ napiaredadni zimy. Pavodle hetaj infarmacyi, spačatku płanujecca vyvieści sa stroju padstancyi kala zachodniaj miažy, praź jakija Ukraina atrymlivaje elektraenierhiju ź Jeŭropy. Na nastupnym etapie — paškodzić hidraelektrastancyi, a zatym spynić pracu troch dziejnych ukrainskich AES, jakija zabiaśpiečvajuć značnuju častku elektraenierhii krainy.
U Kijevie pracujuć rasijskija retranślatary «šachiedaŭ»
Rasijanie ŭnačy ŭdaryli pa Paŭnočnym moście ŭ Kijevie
Rasija płanuje sieryju ŭdaraŭ pa Ukrainie, kab adrezać impart, vyvieści z ładu HES i AES
Zialenski zajaviŭ, što Pucin zahadaŭ vajskoŭcam admovicca ad praviłaŭ viadzieńnia vajny padčas abstrełaŭ Ukrainy
U vyniku abstrełu ŭ Kijevie paškodžany 25‑paviarchovy žyły dom
Ciapier čytajuć
U biełaruski ŭ Italii zabrali dvuch synoŭ — bo jana nie pryznavała dziaržavu i nie adpuskała dziaciej u škołu i da doktara9
Kamientary