Staršynia kancerna «Biellespapierpram» raskazaŭ, ci pamahło pradpryjemstvu źniaćcie amierykanskich sankcyj
Biełaruskija pradpryjemstvy drevaapracoŭčaj haliny za dzieviać miesiacaŭ 2026 hoda pavialičyli ekspart pradukcyi ŭ paraŭnańni z anałahičnym pieryjadam minułaha hoda. Pra heta paviedamiŭ staršynia kancerna «Biellespapierpram» Alaksandr Pšonny padčas naviedvańnia filijała «Homielskija špalery».
Pavodle słoŭ čynoŭnika, adnoj z hałoŭnych zadač haliny zastajecca pavieličeńnie indeksa pramysłovaj vytvorčaści, jaki pakul nie dasiahaje 100%. Pry hetym pakazčyk ekspartu vyras da 109% ad uzroŭniu minułaha hoda.
Niahledziačy na zachodnija abmiežavańni, pradpryjemstvy praciahvajuć naroščvać pastaŭki, najpierš u krainy, jakija ŭłady Biełarusi nazyvajuć družalubnymi. U pieršuju piaciorku asnoŭnych ekspartnych rynkaŭ uvachodziać Rasija, Azierbajdžan, Kazachstan, Uźbiekistan i Kitaj.
Pšonny adznačyŭ, što halina raźličvaje na dalejšaje pavieličeńnie ekspartu, choć prablemy z łahistykaj i praviadzieńniem płaciažoŭ zachoŭvajucca.
U vieraśni Ministerstva finansaŭ ZŠA aficyjna źniało sankcyi z pradpryjemstva «Łakafarba» i kancerna «Biellespapierpram».
Pa słovach kiraŭnika kancerna, heta nie adkryła ŭsich mahčymaściaŭ dla pašyreńnia ekspartnych pastavak, ale pavinna palehčyć praviadzieńnie płaciažoŭ u dalarach ZŠA. Jon vykazaŭ spadziavańnie, što paśla źniaćcia abmiežavańniaŭ raźliki buduć prachodzić lepš, što stanoŭča paŭpłyvaje na raźvićcio ekspartu.
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ7
Kamientary