Byłaja aktrysa Kupałaŭskaha zhadała, jak kamisii nie spadabalisia bieły i čyrvony kolery chustak u žančyn na scenie
«Voś heta źniać, pamianiać miescami».
Aktrysa Valancina Harcujeva, byłaja pryma Kupałaŭskaha teatra, jakaja ŭ 2020 hodzie pajšła adtul, zhadała ŭ intervju «Radyjo Svaboda», jak pierad kožnaj premjeraj u teatr prychodziła ideałahičnaja kamisija
«My ničoha takoha tam nie rabili. Jany prosta zdymali, zabaraniali, vykreślivali kavałkami sceny, jakija im padalisia padazronymi čamuści. Voś stajali try žančynki: u adnoj biełaja chustka, u druhoj čyrvonaja, u treciaj biełaja. Nikomu ŭ hałavu nie pryjšło, što jany pabačać bčb u hetym! Voś heta źniać, pamianiać miescami».
«Vielmi składana było iści suprać vietru», — kaža jana pra takija momanty cenzury.
Valancina ciapier žyvie na dźvie krainy — Hiermanija i Polšča. Z Hiermanii jaje muž, taksama akcior Žan-Mark Birkcholc. Jana tłumačyć, čamu kančatkova nie pierajazdžaje da jaho: pracavać pa prafiesii moža tolki ŭ Polščy. Valancina vystupaje razam z tvorčaj hrupaj «Kupałaŭcy».
«Nie baču pakul dla siabie, što mnie tam rabić jak aktorcy ŭ Hiermanii», — dzielicca Harcujeva.
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku
Zabojstva ŭ staličnym Zavodskim rajonie — rasśledavać biarecca kantralor. Naviedali premjeru «Kupałaŭcaŭ»
Pabyvali na premjery «Kupałaŭcaŭ» pra danosčykaŭ. Intelihienty ŭ hetym śpiektakli vykličuć u vas ahidu
Kamientary