Karanik nie zabraŭ z saboj u Minsk padpałkoŭnika, jaki byŭ jaho pres-sakratarom. Tamu znajšli novaje miesca
Siarhiej Šaršanievič šeść hadoŭ kiravaŭ pres-słužbaj Hrodzienskaha abłvykankama, bolšuju častku ź jakich pry Uładzimiru Karaniku. Da hetaha jon siem hadoŭ byŭ tvaram Śledčaha kamiteta Hrodzienščyny i prasłaviŭsia tym, što prapanavaŭ Leanidu Jakuboviču zamianić dźvie škatułki na škatułki, zroblenyja viaźniami Vaŭkavyskaj kałonii.
Stała viadoma, kudy z pasady kiraŭnika pres-słužby Hrodzienskaha abłvykankama «raźmierkavali» Siarhieja Šaršanieviča, čyjo miesca niadaŭna zaniała maładaja prapahandystka Julija Karniałovič.
Možna było b padumać, što ŭ Šaršanieviča jość šansy pierajechać u Minsk śledam za svaim šmathadovym načalnikam Uładzimiram Karanikam, jaki ŭznačaliŭ Akademiju navuk, — ale nie.
Siłavika adpravili namieśnikam dyrektara pa ideałohii ŭ AAT «HIAP» — Hrodzienski navukova-daśledčy i prajektny instytut azotnaj pramysłovaści i praduktaŭ arhaničnaha sintezu.
Heta prajektny instytut dla chimii i naftachimii. Jon źjaviŭsia ŭ 1968 hodzie jak hrodzienski adździeł maskoŭskaha HIAP, a samastojnym staŭ u 1992 hodzie. Ciapier heta adkrytaje akcyjaniernaje tavarystva ŭ składzie kancerna «Biełnaftachim», dzie pracuje kala 500 čałaviek.
Pracavać u Hrodzienskim abłvykankamie Šaršanievič staŭ u kancy 2020 hoda, nieŭzabavie paśla taho jak Łukašenka pastaviŭ Uładzimira Karanika kiraŭnikom u samuju pratesnuju vobłaść.
Da taho Šaršanievič u zvańni padpałkoŭnika justycyi słužyŭ u Śledčym kamitecie.
U 2003 hodzie Šaršanievič trapiŭ na «Pole cudaŭ» Leanida Jakuboviča i padaryŭ tamu dźvie škatułki, zroblenyja rukami viaźniaŭ Vaŭkavyskaj kałonii. Jon prapanavaŭ zamianić imi tyja, jakimi Jakubovič karystaŭsia pry rozyhryšy adnajmiennaj mini-hulni ŭ ramkach šou.
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary