Adzinaja sistema apłaty prajezdu źjavicca va ŭsich haradach krainy ŭ 2027 hodzie
Budzie mahčymaść apłačvać prajezd nie tolki šlacham kampastavańnia (validacyi) tałona, ale i z dapamohaj mabilnaha dadatku abo bankaŭskaj kartki.
Zaraz pravodziacca tendarnyja zakupki, i arhanizacyi hramadskaha transpartu nabyvajuć nieabchodnaje abstalavańnie. Pra heta raskazaŭ žurnalistam načalnik upraŭleńnia aŭtamabilnaha i haradskoha pasažyrskaha transpartu Mintransu Andrej Hładki, piša BiełTA.
«U poŭnym abjomie takaja sistema pracuje ŭ Minsku. U 2027 hodzie jaje ŭkaranić va ŭsich haradach», — paviedamiŭ jon.
Budzie praduhledžana mahčymaść apłačvać prajezd nie tolki šlacham kampastavańnia tałona, ale i z dapamohaj mabilnaha dadatku abo bankaŭskaj kartki.
Taksama stvarajecca adzinaja dziaržaŭnaja sistema prodažu biletaŭ na pryharadnyja i mižharodnija pasažyrskija pieravozki.
«Z 1 lutaha płanujecca, što ŭsie subjekty zmohuć unosić danyja. Spačatku — apieratary pasažyrskich pieravozak i pieravozčyki», — rastłumačyŭ Andrej Hładki.
Pavodle jaho słoŭ, ciapier pasažyru, kab vybrać aptymalny maršrut, davodzicca źviartacca da niekalkich servisaŭ.
«Abjadnajem resursy ŭ adnu infarmacyjnuju sistemu. Pry hetym praca spadarožnych sistem braniravańnia i prodažu biletaŭ nie zabaraniajecca. Pasažyr zmoža skarystacca jak isnujučaj infarmacyjnaj sistemaj, tak i płatformaj «Prodaž biletaŭ». Infarmacyja budzie dastupnaja pra ŭsie rejsy i svabodnyja miescy», — dadaŭ Andrej Hładki.
Kamientary