Palitołah Valer Karbalevič nazvaŭ samy važny dzień u svaim žyćci
Pra heta palityčny ahladalnik Radyjo Svaboda raskazaŭ Hłafiry Žuk u prahramie «Mnie tolki spytać».
U asabistaj častcy hutarki Karbalevič pryhadaŭ historyju, źviazanuju sa źniknieńniem u 1999 hodzie palityka Viktara Hančara i biznesmiena Anatola Krasoŭskaha.
Na pytańnie pra samy važny dzień u svaim žyćci jon adkazaŭ nastupnaje: «Heta toj dzień, kali ja nie pajšoŭ u łaźniu. Viktar Hančar napiaredadni svajho źniknieńnia z łaźni zaprasiŭ mianie tudy, ale pa źbiehu abstavin ja tudy nie zmoh trapić».
Jak viadoma, viečaram taho dnia Viktar Hančar i Anatol Krasoŭski biasśledna źnikli. U ich źniknieńni padazrajuć tak zvany eskadron śmierci.
U 2019 hodzie Juryj Haraŭski, jaki nazvaŭ siabie bajcom biełaruskaha «eskadronu śmierci», raskazaŭ, jak udzielničaŭ u vykradańni i zabojstvie praciŭnikaŭ Łukašenki.
«Hančar i Krasoŭski apošnimi vyjšli z łaźni, sieli ŭ mašynu. Vulica ciomnaja, tam lichtaroŭ niama, ludziej nie było — my kantralavali. I kali pajšoŭ ruch ich mašyny, my pierakryli darohu. Ja zrabiŭ litaralna dva kroki, raźbiŭ šybu i łancuhom paceliŭ u hubu i pieranośsie Hančaru. Pankoŭ adčyniaje dźviery, ja hetym łancuhom biaru Hančara na zadušku, dastaju jaho z mašyny, kładu na ziamlu» — raskazaŭ Haraŭski.
Haraŭski raskazvaŭ, što i Hančara, i Krasoŭskaha zabiŭ asabista Dźmitryj Paŭličenka, zrabiŭšy pa dva streły ŭ serca, a ichnija rečy spalili i pachavali raździetyja cieły ŭ zahadzia padrychtavanaj jamie. Jama była hłybokaja, 4‑5 mietraŭ.
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary