U Polščy zatrymali druhoha padazravanaha ŭ zabojstvie mastaka Siamiona Skrapieckaha
22 kastryčnika polskaje Ahienctva ŭnutranaj biaśpieki zatrymała 22‑hadovaha hramadzianina Hruzii Machmuda A. Jaho padazrajuć u sadziejničańni zabojstvu rasijskaha mastaka Robierta Kuzaŭkova, viadomaha pad psieŭdanimam Siamion Skrapiecki, piša vydańnie Most.
Siamiona Skrapieckaha zastrelili 15 červienia ŭ polskim horadzie Biełaj-Padlašskaj, raźmieščanym niepadalok ad biełaruskaj miažy. Pa infarmacyi śledstva, nieviadomy mužčyna zrabiŭ u jaho bok try streły z karotkarulevaj ahniastrelnaj zbroi. Kali mastak upaŭ, napadnik padyšoŭ bližej i streliŭ jašče dvojčy.
Sapraŭdnaje imia mastaka — Robiert Kuzaŭkoŭ. Jon byŭ mastakom-karykaturystam, bardam, akcyjanistam i błohieram, viadomym svajoj antypucinskaj pazicyjaj. U svaich pracach i pierformansach jon krytykavaŭ rasijskija ŭłady, u tym liku Uładzimira Pucina i kiraŭnika Čačni Ramzana Kadyrava. U niekatorych jahonych tvorach fihuravaŭ i Alaksandr Łukašenka. U 2021 hodzie mastak pierajechaŭ u Polšču, aścierahajučysia palityčnaha pieraśledu.
Pavodle infarmacyi polskich śpiecsłužbaŭ, Machmud A. prylacieŭ z Hruzii ŭ Polšču 18 kastryčnika. Na nastupny dzień jaho zatrymali na aŭtastajancy kala aŭtamahistrali A2. Razam ź im znachodzilisia jašče dvoje hramadzian Hruzii.
Śledstva miarkuje, što Machmud A. moh dapamahać Elnuru A. — inšamu hramadzianinu Hruzii, jakoha zatrymali 18 červienia, praz try dni paśla zabojstva Skrapieckaha. Elnuru A. vystavili abvinavačańnie ŭ zabojstvie i ŭziali pad vartu.
U nastupnyja miesiacy supracoŭniki Ahienctva ŭnutranaj biaśpieki pravodzili apieratyŭnyja mierapryjemstvy, kab vyjavić usich mahčymych udzielnikaŭ złačynstva. U vyniku jany vyjšli na Machmuda A., jakomu vystavili abvinavačańni ŭ sadziejničańni zabojstvu, a taksama ŭ niezakonnym zachoŭvańni ahniastrelnaj zbroi i bojeprypasaŭ. Svaju vinu jon nie pryznaŭ.
21 kastryčnika sud u Lublinie pastanaviŭ uziać Machmuda A. pad vartu na try miesiacy.
Dvuch inšych hramadzian Hruzii, zatrymanych razam ź im, pieradali polskaj Pamiežnaj słužbie. U dačynieńni da ich pačali praceduru departacyi z krainy z zabaronaj na paŭtorny ŭjezd u Polšču na dziesiać hadoŭ.
Zabity ŭ Polščy rasijski mastak adnu z karcin pradaŭ za $20 tysiač i zadanaciŭ USU. Voś što raskazaŭ jaho znajomy biełarus Bochan
Jakija karykatury na Łukašenku rabiŭ zabity ŭ Polščy rasijski mastak
«Niekalki strełaŭ ź blizkaj adlehłaści i adzin — kab dabić». Polskaja palicyja šukaje zabojcu mastaka Siamiona Skrapieckaha
U zabitaha ŭ Biełaj-Padlašskaj mastaka Skrapieckaha zastałosia piaciora dziaciej, a ŭdava ciažarnaja šostym
Źviazany z arhzłačynnaściu. Padrabiaznaści pra padazravanaha ŭ zabojstvie rasijskaha mastaka ŭ Polščy
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski1010
Kamientary
[Zredahavana]