Suśvietnyja ceny na naftu praciahvajuć raści ŭžo treci tydzień zapar. U čaćvier, 22 kastryčnika, jany dasiahnuli najvyšejšaha ŭzroŭniu amal za paŭhoda, a ŭ piatnicu ranicaj nafta marki Brent padaražeła bolš čym na 1% — da 114,47 dalaraŭ za baral. Pra heta paviedamlaje Reuters.
Hałoŭnaj pryčynaj rostu cen stała abvastreńnie kanfliktu pamiž Saudaŭskaj Aravijaj i jemienskimi chusitami. Situacyja nastolki napružanaja, što naftavaja kampanija Saudi Aramco rasparadziłasia evakujavać supracoŭnikaŭ svajoj štab-kvatery ŭ Dachranie, niedaloka ad Bachrejna.
Bajavyja dziejańni aktyvizavalisia taksama ŭ rajonie Bab-el-Mandebskaha praliva — adnaho z važnych marskich maršrutaŭ, jakimi karystajucca naftavyja tankiery. Udzielniki rynku aścierahajucca, što novyja ataki mohuć parušyć pastaŭki nafty ź Blizkaha Uschodu. Hetyja ryzyki padšturchoŭvajuć ceny ŭvierch.
Prablemy z pastaŭkami ŭźnikli i ŭ Livii. Tam pierakryli kłapan na naftapravodzie, praź jaki syravina z radoviščaŭ Chamada i Tachara pastupaje ŭ port Ez-Zavija. U vyniku zdabyča na abodvuch radoviščach skaraciłasia.
Analityki z kampanii ING ličać, što napružańnie na suśvietnym naftavym rynku moža ŭzmacnicca. Novy vitok kanfliktu ŭ Piersidskim zalivie pahražaje pierabojami z pastaŭkami, jakija pakul udajecca padtrymlivać.
Pry hetym dla dalejšaha padaražańnia nafty nie abaviazkova, kab situacyja sapraŭdy pahoršyłasia: samoj pahrozy novych atak dastatkova, kab zachoŭvać niervovaść na rynku.
Jak adznačaje analityk XS.com Liń Čan, dalejšaja dynamika cen budzie zaležać ad maštabu mahčymych pierabojaŭ i chutkaści adnaŭleńnia pastavak. Kali ataki praciahnucca, a tankiery pačnuć zatrymlivacca ŭ darozie, heta moža pryvieści da novaha rostu koštu nafty.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary