U Iardanii ŭ chryścijanskaj carkvie padčas pachavańnia pačałasia stralanina
Dvoje ŭzbrojenych nieviadomych u Iardanii adkryli ahoń u carkvie Chamud padčas pachavalnaj cyrymonii. Pavodle infarmacyi dziaržaŭnych ŚMI krainy, zahinuli prynamsi siem čałaviek, jašče nie mienš za dziesiać atrymali ranieńni.
Stralanina adbyłasia ŭ muchafazie El-Karak. Pavodle infarmacyi, napadniki padjechali da carkvy na aŭtamabili, uvajšli ŭsiaredzinu i adkryli ahoń, paśla čaho ŭciakli.
Na miesca zdareńnia nakiravali supracoŭnikaŭ sił biaśpieki. Inšyja padrabiaznaści pakul aficyjna nie paviedamlajucca.
Vidavočcy padziej raskazali, što ŭ pačatku pachavalnaj pracesii pačuŭsia vybuch, paśla čaho dvoje mužčyn u maskach uvarvalisia ŭ carkvu i adkryli ahoń. Adzin z napadnikaŭ byŭ uzbrojeny pistaletam, druhi — vintoŭkaj.
Padobnyja ataki ŭ Iardanii zdarajucca vielmi redka. Pakul nichto nie ŭziaŭ na siabie adkaznaść za napad.
Chryścijanie składajuć mienšaść nasielnictva krainy, jakoje naličvaje kala 11,5 miljona čałaviek. Ale pry hetym u Iardanii znachodzicca niekalki biblejskich miaścin, jakija vabiać chryścijan z usiaho śvietu.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary