U Biełaj-Padlašskaj siarod biełaha dnia zabili rasijskaha karykaturysta. Jon braŭ udzieł u biełaruskich akcyjach
Taksist ź Biełarusi, jaki pryvioz zabojcaŭ na miesca złačynstva, spałochaŭsia i sprabavaŭ uciačy ŭ biełaruskaje konsulstva.
Pavodle infarmacyi palicyi, napad adbyŭsia 15 červienia kala 10:00 na vulicy Karalevy Jadźvihi. Nieviadomy pačaŭ stralać u mužčynu, paśla čaho ŭciok, piša telehram-kanał DzikMedia.
Paśla zdareńnia kiraŭnik haradskoj palicyi abviaściŭ tryvohu dla asabovaha składu. U horadzie byli arhanizavanyja błakavalnyja pasty, pravodzilisia pravierki transpartu i pošukavyja mierapryjemstvy.
Nieŭzabavie paśla taho nieviadomy mužčyna sprabavaŭ schavacca ad palicyi ŭ konsulstvie Biełarusi ŭ Biełaj-Padlašskaj. Jon chacieŭ pieraskočyć praz płot, ale nie paśpieŭ.
Paśla vyśvietliłasia, što heta byŭ taksist ź Biełarusi, jaki pryvioz zabojcaŭ na miesca złačynstva. Paźniej jamu pahražali pistaletam, jon spałochaŭsia i sprabavaŭ uciačy ŭ biełaruskaje konsulstva.
Tym časam stała viadomaja asoba zabitaha. Heta Siamion Skrapiecki — rasijski błohier, mastak-karykaturyst i satyryk, jaki naradziŭsia ŭ 1981 hodzie. U 2021 hodzie jon emihravaŭ u Polšču, ratujučysia ad pieraśledu ŭ Rasii.
Jon jeździŭ pa Jeŭropie i pravodziŭ roznyja akcyi, vyśmiejvajučy režym Pucina i jaho sajuźnikaŭ. Na sioletni Dzień Rasii jon pravioŭ padobnuju akcyju ŭ Bierlinie.
Krynicy DzikMedia paviedamlajuć, što Siamion Skrapiecki taksama ŭdzielničaŭ u biełaruskich akcyjach pratestu.
Biełaruski mańjak siadzić u Rasii i prydumlaje sabie novyja kryminalnyja spravy, kab nie viartacca ŭ turmu, dzie jaho katujuć
Biežaniec z Sudana sprabavaŭ adrezać hałavu miascovamu žycharu pasiarod Biełfasta. U Paŭnočnaj Irłandyi ŭspychnuli biesparadki
U PAR 12 čałaviek zahinuli padčas vuličnaj stralaniny
Kamientary
Śmieły čałaviek, a jašče i talenavity: svajoj tvorcaściu vykryvaŭ usiu sutnaść hetaha hratesknaha času, ŭ jaki my žyviem, i ŭsiu pačvarnaść siekty KDB-FSB-RPC. Penźlikam raniŭ hetych hadaŭ u samaje serca.
Zaŭvažcie, kaho jany zabili. Nie Jašyna, ci Navalnuju, ci Čyčvarkina. Nie Kaca ci Vołkava. A prostaha mastaka!
Viečny adpačynak daj jamu, Panie, a śviatło viečnaje niachaj jamu śviecić!
I kakoj naš budiet otviet?
Śniatije sankcij?