Minčanka pabačyła ŭ staličnym supiermarkiecie skrynku hniłych čarešniaŭ
Julija zajšła ŭ supiermarkiet «Hipa» pa adrasie vulica Asanalijeva, 40 i była niepryjemna ździŭlena jakaści čarešniaŭ, jakija tam pradavalisia. Dziaŭčyna napisała pra heta ŭ svaim akaŭncie ŭ Treds.
Čarešni z Uźbiekistana byli pamiatyja i vidavočna sa śladami hnijeńnia. Cikava, što pradavalisia pad jarkaj etykietkaj «Freš bum», piša Blizko.by.
— Možacie svaim dzieciam kupić? Ci sabie na pierakus, — aburyłasia dziaŭčyna.
U kamientaryjach mnohija padzialili abureńnie Julii:
— «Kožny hod nie razumieju, navošta sietkavyja kramy heta pradajuć. Kožny raz prosta žachlivy vyhlad čarešniaŭ»;
— «U «Biełmarkiecie» na Varvašeni siońnia takija ž lažać, žach»;
— «U mianie jość pretenzii da «Hipa», ale takich čarešniaŭ ja jašče nie bačyła».
Pradstaŭniki handlovaj sietki źviazalisia ź dziaŭčynaj i paabiacali prybrać niajakasny tavar z palic. Jana paabiacała pryjści i pahladzieć, ci prybrali supracoŭniki hniłyja čarešni.
Kamientary