Cichanoŭski z razmacham sustreŭ dzień narodzinaŭ u Łos-Andželesie
Byli tort z «Oskaram» i zorkaj z «Alei słavy».
Učora eks-palitviaźniu, što pravioŭ piać hod u łukašenkaŭskich zaścienkach, spoŭniłasia 48 hadoŭ. Pradstaŭniki dyjaspary Kalifornii, dzie zaraz žyvie hramadski dziejač, padaryli jamu tort z «Oskaram», kinachłapuškaj i zorkaj z «Alei słavy».
Siarhiej Cichanoŭski vyjšaŭ na volu ŭ červieni 2025 hoda, niejki čas žyŭ u Vilni, a potym pierabraŭsia ŭ ZŠA. Tam jon spačatku žyŭ ź dziećmi ŭ Majami, a ŭrešcie pierajechaŭ u Łos-Andželes.
«Siońnia ŭ Łos-Andželesie ja vyvučaju anhlijskuju movu, rychtujusia da pastupleńnia va ŭniviersitet, pišu knihu i zajmajusia tvorčaściu. Ja taksama ŭdziačny ŭsim, chto padtrymaŭ mianie paśla vyzvaleńnia. Adaptacyja da žyćcia na voli — heta niaprostaje vyprabavańnie. Kožny novy dzień nahadvaje mnie, nakolki kaštoŭnyja siamja, svaboda i mahčymaść havaryć praŭdu», — raskazvaŭ jon.
U pačatku žniŭnia Cichanoŭski prezientavaŭ ułasny jutub-kanał, dzie vykładvaje svaje vieršy i kazki, napisanyja ŭ źniavoleńni.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»7
Kamientary