ZŠA zaklikali svaich hramadzian nieadkładna pakinuć Rasiju praz mahčymuju ŭspyšku čumy
Ambasada ZŠA vypuściła asobnaje miedycynskaje papiaredžańnie z-za śmierci supracoŭnicy supraćčumnaha instytuta ŭ Irkuckaj vobłaści i karancinu ŭ balnicach. Amierykanskija ŭłady pryznajuć, što amal nie zmohuć dapamahčy svaim hramadzianam pa-za Maskvoj, i paraili rychtavacca da samastojnaj evakuacyi.
Ambasada ZŠA ŭ Rasii 6 kastryčnika apublikavała miedycynskaje papiaredžańnie ŭ suviazi z paviedamleńniami pra mahčymy vypadak lohačnaj čumy ŭ Irkuckaj vobłaści.
«Ambasadzie ZŠA viadoma pra paviedamleńni presy ź Irkuckaj vobłaści ab padazreńni na lohačnuju čumu, jakaja pryviała da śmierci adnaho čałavieka, a taksama ab źviazanych z hetym karancinnych mierach i zakryćci balnic u Irkucku. My praciahvajem uvažliva sačyć za situacyjaj», — havorycca ŭ zajavie.
Amierykanskija ŭłady padkreślili, što ich mahčymaści dapamahčy suajčyńnikam u Rasii mocna abmiežavanyja.
«Urad ZŠA maje abmiežavanyja mahčymaści dla akazańnia dapamohi amierykanskim hramadzianam u Rasii, asabliva za miežami Maskvy», — papiaredziła ambasada.
Dziarždepartamient pakinuŭ dla Rasii najvyšejšy, čaćviorty ŭzrovień niebiaśpieki — «Nie padarožničać».
U papiaredžańni zajaŭlena, što amierykancy, jakija ŭžo znachodziacca ŭ Rasii, pavinny nieadkładna vyjechać. Tym, chto tolki płanuje pajezdku, nastojliva rajać admovicca ad jaje.
Hetaja rekamiendacyja dziejničała i raniej, ale ciapier ambasada paŭtaryła jaje ŭ asobnym paviedamleńni, pryśviečanym padazreńniam na čumu.
Hramadzianam ZŠA ŭ Irkuckaj vobłaści rekamiendavali nie naviedvać ustanovy, zakranutyja karancinnymi mierami, i nieadkładna źviartacca pa miedycynskuju dapamohu pry pavyšeńni tempieratury abo źjaŭleńni simptomaŭ u dychalnaj sistemie.
Taksama amierykancam prapanavali zahadzia vyśvietlić mahčymaści miedycynskaj evakuacyi praz strachavuju kampaniju.
«Majcie płan vyjezdu ŭ nadzvyčajnaj situacyi, jaki nie zaležyć ad dapamohi ŭrada ZŠA», — havorycca ŭ papiaredžańni.
Paviedamleńni pra mahčymuju čumu źjavilisia paśla śmierci supracoŭnicy Irkuckaha supraćčumnaha instytuta. Rasijskija miedyja pisali, što jana mahła zarazicca lohačnaj formaj zachvorvańnia. Paśla jaje śmierci ŭ niekatorych miedycynskich ustanovach uviali karancin, a ludziej, jakija kantaktavali z žančynaj, uziali pad nazirańnie.
Rasspažyŭnahlad śćviardžaje, što ŭ žančyny była «pnieŭmanija nieviadomaj etyjałohii», a daśledavańni nibyta nie vyjavili mikraarhanizmaŭ, źviazanych ź jaje prafiesijnaj dziejnaściu. Sanitarna-epidemijałahičnuju situacyju ŭ rehijonie rasijskaje viedamstva nazyvaje stabilnaj.
Ciapier čytajuć
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5050
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie50
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary