Za miesiac arendy hetaj kvatery ŭ «domie Čyža» prosiać $5000
Stolki daviadziecca płacić, kab žyć u prastornych apartamientach ź niekalkimi spalniami i aryhinalnaj kanapaj.
Apartamienty ź vidam na Śvisłač
Kvatera mieścicca na druhim paviersie ŭ domie pa adrasie Staražoŭskaja, 6, jaki ŭ narodzie prazvali domam Čyža.
Ahulnaja płošča čatyrochpakajoŭki składaje 217 mietraŭ.
U kvatery prastornaja stałovaja-haścioŭnia, dzie padvakońnie vykarystoŭvajecca jak barnaja stojka, ź jakoj adkryvajecca vid na horad i raku Śvisłač.
Asnoŭny pakoj adździeleny ad vitalni ścianoj z ubudavanym u jaje vialikim škłom.
Aproč hetaha vialikaha pamiaškańnia, tut jość try spalni. U dźviuch ź ich stajać dvuchspalnyja łožki.
U kožnym z pakojaŭ z łožkam jość asobny vanny pakoj, uvachod u jaki idzie praz spalniu. Treci sanvuzieł nazyvajuć haściavym.
Inšaja spalnia pa svaim pryznačeńni bolš padobnaja da izalavanaj haścioŭni ŭ zvyčajnaj kvatery ź minimalnym naboram mebli.
Hałoŭnaja fiška — heta kanapa, bakavyja śpinki jakoj zrobleny ŭ vyhladzie čornaha sabaki. Taksama ŭ kvatery jość dźvie łodžyi i bałkon.
U apisańni paznačana, što kvatera całkam ukamplektavanaja i hatovaja dla pražyvańnia. Miesiac arendy kaštuje 5000 dalaraŭ.
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary