U Biełaruś nabližajecca antycykłon Gerhard, jaki pryniasie pieravažna suchoje nadvorje. Pry hetym u kancy kastryčnika i ŭ pieršyja dni listapada siaredniaja tempieratura pavietra budzie prykmietna vyšejšaj za klimatyčnuju normu. Pra heta paviedamili ŭ Biełhidramiecie.
U pačatku kastryčnika siaredniasutačnaja tempieratura ŭ Biełarusi pieravyšała normu na 1—8 °C, a ŭ apošnija dni roźnica skaraciłasia da 1—3 °C praz pamianšeńnie praciahłaści śvietłavoha dnia.
Apošnija vychadnyja i pačatak tydnia supravadžalisia daždžami, adnak z prychodam antycykłonu kolkaść apadkaŭ źmienšycca. Nievialikija i ŭmieranyja daždžy mahčymyja tolki ŭ asobnych rajonach.
Praź vilhotnaje pavietra i słabuju atmaśfiernuju cyrkulacyju ŭnačy i ranicaj miescami buduć utvaracca tumany. Sinoptyki zaklikajuć kiroŭcaŭ być asabliva ŭvažlivymi, uličvać paharšeńnie bačnaści, zachoŭvać dystancyju i prytrymlivacca chutkasnaha režymu.
Unačy tempieratura pavietra na praciahu tydnia budzie vahacca ad +1 da +9 °C, a pry prajaśnieńniach moža apuskacca da −1 °C. Udzień čakajecca ad +5 da +14 °C.
U aŭtorak, 27 kastryčnika, unačy ŭ centralnych rajonach jašče buduć iści daždžy, miescami mahčymy tuman. Tempieratura składzie ad +3 da +9 °C, a na zachadzie krainy — ad −1 da +2 °C. Udzień pavietra prahrejecca da +8…+14 °C.
U sieradu karotkačasovyja apadki mahčymyja tolki ŭdzień u asobnych rajonach paŭdniovaha ŭschodu. Unačy budzie ad 0 da +7 °C, udzień — ad +7 da +13 °C.
U čaćvier i piatnicu, 29 i 30 kastryčnika, u niekatorych rajonach krainy taksama mahčymyja karotkačasovyja daždžy. Unačy i ranicaj miescami čakajecca tuman. Načnaja tempieratura składzie ad +1 da +7 °C, dzionnaja — ad +7 da +13 °C.
Karotkačasovyja łakalnyja daždžy nie vyklučanyja i ŭ najbližejšyja vychadnyja. U noč na 31 kastryčnika tempieratura budzie vahacca ad 0 da +7 °C, a ŭdzień — ad +6 da +12 °C.
U pieršy dzień listapada, asabliva ŭnačy i ranicaj, miescami mahčymyja słaby tuman i hałalodzica. Tempieratura ŭnačy składzie ad −1 da +4 °C, u asobnych rajonach — da +6 °C. Udzień čakajecca ad +5 da +11 °C.
Na pačatku listapada, z 2‑ha pa 9-ha, upłyŭ vobłaści pavyšanaha atmaśfiernaha cisku pačnie słabnuć. Adpaviedna, pamienšycca i adchileńnie tempieratury ad klimatyčnaj normy. Pavodle raźlikaŭ Jeŭrapiejskaha centra siarednieterminovych prahnozaŭ nadvorja (ECMWF), siaredniaja tempieratura ŭ hety pieryjad usio jašče budzie na 0,5—1,5 °C vyšejšaj za normu.
Rezkaha pachaładańnia i arktyčnych uvarvańniaŭ pavietra pakul nie prahnazujuć. Kolkaść apadkaŭ čakajecca blizkaj da zvyčajnych dla listapada značeńniaŭ. Praź Biełaruś čas ad času buduć prachodzić atmaśfiernyja franty, jakija mohuć prynosić karotkačasovyja daždžy, ale praciahłych i mocnych apadkaŭ nie čakajecca.
Kamientary