«My čakali ciabie». Jak vieniesuelcy sustrakali Maryju Mačada VIDEA
Lidarku vieniesuelskaj apazicyi, łaŭreatku Nobieleŭskaj premii miru Maryju Karynu Mačada, jakaja viarnułasia na radzimu paśla dziesiaci miesiacaŭ za miažoj, sustrakali dziasiatki tysiač ludziej. Praz natoŭpy prychilnikaŭ daroha ŭ Karakas zaniała vosiem hadzin.
Jašče ŭdzień 25 kastryčnika ludzi pačali źbiracca na aŭtastradzie na ŭjeździe ŭ stalicu. Čakali bolš za čatyry hadziny: śpiavali, tancavali, uzdymali ściahi. Na mastach raźviesili vieniesuelskija ściahi, na ścienach źjaviłasia: «Sardečna zaprašajem na svaju ziamlu», piša Efecto Cocuyo.
Kala 21:40 stała viadoma, što kartež užo blizka. Ludzi pabiehli pasiarod aŭtastrady. Nieŭzabavie pakazaŭsia čorny pazadarožnik, i Mačada vysunułasia ź luka.
«My čakali ciabie, kab Vieniesueła viarnuła sabie svabodu!» — kryčali z natoŭpu.
Ludzi zaniali ŭsie čatyry pałasy. Pažyłyja, padletki, žančyny i mužčyny trymali telefony nad hałovami. Niekatoryja viali žyvyja tranślacyi, choć suviaź pieryjadyčna źnikała.
Mačada cisnuła ruki, abdymała prychilnikaŭ.
Dla mnohich viartańnie palityka stała niečakanaściu. Adna z žančyn raskazała žurnalistam, što hatavała abied, kali pačuła navinu pa radyjo. Spačatku padumała, što heta žart, potym kinuła posud i ŭziałasia praviarać telefon.
«Heta było dziŭnaje pačućcio — sa stracham, z nadziejaj. Ja adčuła siabie ščaślivaj», — skazała jana.
Paśla sprečnych vybaraŭ 2024 hoda Mačada bolš za hod chavałasia ŭ Vieniesuele. Pry kancy 2025‑ha jana tajemna vyjechała, kab atrymać Nobieleŭskuju premiju miru. Niekalki jaje sprobaŭ viarnucca dahetul nie ŭdalisia.
Ciapier siarod vitalnych vokličaŭ hučała i patrabavańnie novych vybaraŭ.
-
Jeŭrasajuz užo nie havoryć pra «asacyjavanaje členstva» Kanady
-
«Praciahvajcie ruch». U Ispanii abnarodavali zapis pieramovaŭ mašynistaŭ z dyśpietčarami pierad krušeńniem, u jakim zahinuli 68 čałaviek
-
U byłoha kiraŭnika niamieckaj raźviedki, aryštavanaha pa spravie ab dziaržaŭnaj zdradzie, vyjavili rak kryvi
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy38
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Usio mahčyma u hetym śviecie )))
Mahčyma tak... AHŁ pa roznych abstavinach .. ni pry spravach
Na uschodzie jak zaŭsiody ci adliha pierastrojka ci pierastrełka rEvalucyja
Na poŭnačy taksama jak..... zaŭždy
Adzinaja mahčymaść dziela ŭsich " ptušaniat aheeł" zachavacca i zachavać niešta heta padrychtavać viartańnie z chlebam sollu sustreć ..Zakon Prava Paradak u Asobie....
Tak tak