Pucin na pieramovach pa Ukrainie moža patrabavać viartańnia NATA da miežaŭ 1997 hoda
Heta moža aznačać patencyjny vyvad vojskaŭ aljansu z Polščy i krain Bałtyi.
Uładzimir Pucin bačyć u pieramovach ab zakančeńni vajny va Ukrainie mahčymaść prymusić NATA admovicca ad pašyreńnia na ŭschod i viarnucca da miežaŭ 1997 hoda. Dla hetaha Kreml prapanuje ŭklučyć u mirny praces pradstaŭnikoŭ Jeŭropy, piša The Telegraph sa spasyłkaj na krynicy ŭ dypłamatyčnych viedamstvach zachodnich krain.
Raniej padklučyć jeŭrapiejcaŭ da pieramovaŭ pa Ukrainie prapanoŭvaŭ pamočnik prezidenta RF pa pytańniach źniešniaj palityki Juryj Ušakoŭ.
Jon zajaŭlaŭ, što Jeŭrasajuz i Paŭnočnaatłantyčny aljans pačali «bolš surjozna stavicca» da prapanoŭ Rasii, a pazicyja Jeŭropy adnosna miru pamiž Maskvoj i Kijevam maje «klučavy charaktar».
Adnak, jak tłumačać surazmoŭcy The Telegraph, nasamreč za hetym chavajecca daŭni namier Kramla damahčysia adkatu NATO da miežaŭ 1997 hoda abo, jak minimum, vyvadu vojskaŭ i ŭzbrajeńniaŭ ź piaci krain aljansu, jakija miažujuć z Rasijaj: Łatvii, Litvy, Polščy, Finlandyi i Estonii. Zachodnija dypłamaty adnaznačna nie hatovyja iści na sastupki rasijskamu boku ŭ hetym pytańni.
Pry hetym surazmoŭcy The Telegraph pierakananyja, što maksimalny adkat NATA na zachad pa-raniejšamu zastajecca adnoj z klučavych umoŭ Pucina dla zakančeńnia vajny va Ukrainie.
Druhim punktam jany nazyvajuć pazbaŭleńnie Kijeva faktyčnaha suvierenitetu. Takaja pazicyja robić małavierahodnym sapraŭdny pośpiech anansavanych na listapad techničnych pieramovaŭ u Abu-Dabi pamiž pradstaŭnikami Vašynhtona, Kijeva i Maskvy.
Z patrabavańniem «advodu ŭsioj vajennaj infrastruktury NATO na pazicyi 1997 hoda» Maskva źviartałasia da aljansu ŭ śniežni 2021 hoda, za niekalki tydniaŭ da poŭnamaštabnaha ŭvarvańnia va Ukrainu. Namieśnik kiraŭnika MZS RF Siarhiej Rabkoŭ patrabavaŭ ad NATO «źbirać manatki» i abvinavačvaŭ aljans u tym, što toj nibyta imkniecca «adciaśnić» Rasiju i «pieravieści jaje na rolu padparadkavanaha», nahadvaje Moscow Times.
-
Jeŭrasajuz užo nie havoryć pra «asacyjavanaje členstva» Kanady
-
«Praciahvajcie ruch». U Ispanii abnarodavali zapis pieramovaŭ mašynistaŭ z dyśpietčarami pierad krušeńniem, u jakim zahinuli 68 čałaviek
-
U byłoha kiraŭnika niamieckaj raźviedki, aryštavanaha pa spravie ab dziaržaŭnaj zdradzie, vyjavili rak kryvi
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy38
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
PS Očriednoj prorośsijskij narrativ - śliv. Ciel - pokazať čto Rośsija chočiet pieriehovorov i (ili) mira...