U vyniku ŭdaru USU pa data-centry «Jandeksa» va Uładzimiry paciarpieli piać z vaśmi jaho pamiaškańniaŭ
U vyniku ŭdaru Uzbrojenych sił Ukrainy pa centry apracoŭki danych «Jandeksa» va Uładzimiry 11 kastryčnika byli paškodžanyja piać z vaśmi jaho pamiaškańniaŭ. Pra heta śviedčyć spadarožnikavy zdymak, apublikavany 19 kastryčnika manitorynhavym kanałam Supernova+. Pavodle papiarednich źviestak, try pamiaškańni atrymali krytyčnyja paškodžańni, piša The Moscow Times.
U centry apracoŭki danych znachodzicca druhi pa mahutnaści supierkampjutar «Jandeksa» — «Hałuškin». Jon maje 136 vyličalnych vuzłoŭ i 1088 paskaralnikaŭ NVIDIA A100. U apošniaj dastupnaj viersii suśvietnaha rejtynhu TOP500 za červień jon zajmaŭ 134‑ie miesca.
«Hałuškin» stvaryli ŭ 2021 hodzie. Razam z dvuma inšymi supierkampjutarami kampanii — «Čyrvanienkisam» i «Lapunovym» — jaho vykarystoŭvali dla navučańnia moŭnych madelaŭ siamiejstva YaLM, na asnovie jakich raspracoŭvali YandexGPT i hałasavoha pamočnika «Alisu».
U «Jandeksie» paćvierdzili, što bieśpiłotniki paškodzili infrastrukturu centra apracoŭki danych va Uładzimiry, u vyniku čaho jaho praca była całkam spynienaja.
Raniej USU atakavali jašče dva centry apracoŭki danych kampanii: u Sasavie Razanskaj vobłaści, dzie raźmiaščalisia supierkampjutary «Čyrvanienkis» i «Lapunoŭ», a taksama ŭ Kałuzie. Na hetych abjektach adbylisia pažary.
Pavodle vydańnia T-Invariant, u vyniku atak pad pahrozaj vychadu sa stroju mahli apynucca ŭsie try supierkampjutary «Jandeksa». Karystalniki ŭ Rasii i susiednich krainach sutyknulisia ź pierabojami ŭ pracy servisaŭ taksi, bankaŭskich prahram, razumnych kałonak «Alisa» i vobłačnaj infrastruktury.
Paśla pažaru ŭ Sasavie adklučyłasia zona dastupnaści ru-central1-b, a paśla paškodžańniaŭ va Uładzimiry — ru-central1-a. Płatformu Yandex Cloud pieraviali ŭ avaryjny režym, a astatniuju IT-infrastrukturu pryznali niestabilnaj. Prablemy taksama zakranuli sistemy Fiederalnaj padatkovaj słužby Rasii, arbitražnych sudoŭ i inšych kampanij, u tym liku «DoDo Picu», «M.Videa», «Lentu» i «Mahnit».
12 kastryčnika kiraŭnik Ministerstva ličbavaha raźvićcia Rasii Maksut Šadajeŭ zajaviŭ, što «Jandeks» sutyknuŭsia ź biesprecedentnaj atakaj. Pavodle jaho słoŭ, viedamstva razam ź Ministerstvam abarony abmiarkoŭvaje, jak abaranić centry apracoŭki danych u Rasii.
Namieśnik staršyni «Rastelekama» Valeryj Jermakoŭ, u svaju čarhu, prapanavaŭ stvaryć tak zvany centr apracoŭki danych «Sudnaha dnia» — reziervovuju placoŭku, jakaja dazvoliła b adnaŭlać pracu paškodžanych servisaŭ.
Akramia troch paciarpiełych abjektaŭ, u «Jandeksa» jość jašče dva bujnyja centry apracoŭki danych u Maskoŭskaj vobłaści — u Myciščach i Ivanciejeŭcy.
Pavodle acenak krynic vydańnia «Kommiersant'» na rynku, zamiena paškodžanaha abstalavańnia moža zaniać kala šaści miesiacaŭ.
Ci pakarajuć «Jandeks taksi» za zboi ŭ Biełarusi?
U Biełarusi pierastaŭ pracavać jašče adzin servis «Jandeksa»
Ukrainskija drony atakavali bujny data-centr Śbierbanka ŭ Sarataŭskaj vobłaści
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami
U Biełarusi niemahčyma vyklikać «Jandeks-taksi» paśla ataki dronaŭ na data-centr va Uładzimiry
Ukraincy parazili dronami najbujniejšy data-centr «Jandeksa» ŭ Rasii
Paśla ataki dronaŭ na data-centr «Jandeksa» Runet nakryŭ maštabny zboj
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»11
Kamientary