U Francyi ŭ suviazi z pahromami ŭ niekatorych rajonach uviaduć kamiendanckuju hadzinu
Uviadzieńnie nadzvyčajnaha stanovišča taksama nie vyklučajuć — «kali heta budzie nieabchodna».
Premjer-ministr Francyi Siebaśćian Lekarniu paprasiŭ prefiektaŭ uvieści łakalnuju kamiendanckuju hadzinu ŭžo ŭviečary 19 kastryčnika. Abmiežavańni pavinny abaranić kramy i inšuju majomaść ad pahromaŭ i rabavańniaŭ.
Pra rašeńnie Lekarniu paviedamiŭ paśla pasiadžeńnia mižviedamasnaj kryzisnaj hrupy. Pavodle jaho, abmiežavańni buduć častkovymi i zakranuć kankretnyja terytoryi. Pieralik departamientaŭ, dzie ich uviaduć, urad abiacaŭ apublikavać ciaham dnia.
Premjer padkreśliŭ, što kamiendanckuju hadzinu nie płanujuć uvodzić na ŭsioj terytoryi bujnych haradoŭ.
«Havorka nie idzie pra toje, kab uvieści kamiendanckuju hadzinu va ŭsim Paryžy. Heta nie maje sensu», — skazaŭ Lekarniu.
Nieabchodnaść abmiežavańniaŭ jon patłumačyŭ rabavańniami kramaŭ, jakija supravadžali biesparadki.
«My majem spravu ź vielmi kankretnaj złačynnaściu — maradziorstvam. Nielha dapuścić, kab heta zaciahnułasia», — zajaviŭ kiraŭnik urada.
Pry hetym Lekarniu adznačyŭ, što ŭłady pavinny adnavić paradak i zachavać prava na mirnyja demanstracyi.
Uviadzieńnie nadzvyčajnaha stanovišča jon taksama nie vyklučyŭ, «kali heta budzie nieabchodna». Adnak ciapier łakalnuju kamiendanckuju hadzinu ŭrad ličyć bolš adpaviednaj situacyi mieraj.
Masavyja vystupleńni 17 kastryčnika abjadnali ŭdzielnikaŭ vučnioŭskaha ruchu i niezadavolenych rostam koštaŭ dy paharšeńniem dziaržaŭnych pasłuh. U šerahu haradoŭ jany supravadžalisia sutyknieńniami z palicyjaj, padpałami i rabavańniami. U Limožy ahoń źniščyŭ značnuju častku histaryčnaj ratušy.
Pavodle ŭrada, za vychodnyja pa ŭsioj Francyi ad paškodžańniaŭ abo rabavańniaŭ paciarpieli prynamsi try tysiačy kram.
«Hnieŭ i soram». Makron źviarnuŭsia da nacyi paśla pahromaŭ
«Zachodnija libierały zavieźli treci śviet u Francyju». Vens abvinavaciŭ mihrantaŭ u biesparadkach
«Heta nie hłupstva, heta nianaviść». U Francyi pratestoŭcy padpalili ratušu XIX stahodździa VIDEA
U Francyi pratesty supravadžajucca pahromami i padpałami. Zatrymali 1200 čałaviek
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
Jany tam chvalacca adrazu la kramaŭ, što ŭsio rabujuć va imia Ałacha, i navat vykładvajuć, jak ździekujucca ź ludziej.