Drony ź piarcovym sprejem, čatyrochnohija robaty i štučny intelekt. Jak Japonija technałohijami abaraniajecca ad miadźviedziaŭ
Miadźviedzi ŭsio čaściej zachodziać u nasielenyja punkty Japonii i napadajuć na ludziej. Ułady ŭžo pryciahvali vajskoŭcaŭ, źmiakčali abmiežavańni na palavańnie. Ciapier jany źviarnulisia da bolš vysokich technałohij.
Pavodle Ministerstva navakolnaha asiarodździa krainy, za 2025 finansavy hod miadźviedzi paranili rekordnyja 238 čałaviek, jašče 13 zahinuli. Za pieršyja piać miesiacaŭ 2026 hoda paciarpieli 62 čałavieki, šaściora ź ich zahinuli, piša The Washington Post.
Daśledčyki nazyvajuć niekalki mahčymych pryčyn. Viaskovaje nasielnictva skaračajecca, ludzi pierajazdžajuć u harady, i miadźviedzi zajmajuć pakinutyja terytoryi. Upłyvać mohuć taksama źmieny klimatu i źmianšeńnie kolkaści palaŭničych. Źviary ŭsio čaściej prychodziać da čałaviečaha žytła pa ježu i mienš bajacca ludziej.
U vioscy Siova dla pošuku miadźviedziaŭ prystasavali drony ź ciepłavizarami, jakija raniej nabyli dla vyratavańnia ludziej u harach. Heta dapamahaje šukać źviaroŭ tam, dzie hustyja drevy zakryvajuć ahlad zvyčajnaj kamiery.
Z dapamohaj hetaj technałohii ŭdałosia złavić dzieviać miadźviedziaŭ. Dalejšy los žyviolin vyrašajuć pavodle pravił prefiektury: ich mohuć vypuścić abo zabić u zaležnaści ad škody i abstavin źjaŭleńnia.
U horadzie Sendaj kamiery sa štučnym intelektam dapamahajuć vyznačać, dzie stavić pastki i elektryčnyja aharodžy. Sistemu B Alert navučali prykładna na 60 tysiačach vyjaŭ dzikich žyvioł. Pavodle raspracoŭščykaŭ, jana raspaznaje miadźviedziaŭ z dakładnaściu da 99,9%. Jaje ŭžo vykarystoŭvajuć u 29 municypalitetach.
Inšaja kamanda ŭ Tokia stvaraje kartu miescaŭ, dzie vierahodnyja sustrečy ź miadźviedziami. Štučny intelekt analizuje raniejšyja nazirańni, źviestki pra nasielnictva i spadarožnikavyja zdymki. Kiraŭnik prajekta aceńvaje dakładnaść prahnozu prykładna na 70%.
Startap pry Takijskim univiersitecie tym časam vypraboŭvaje čatyrochnohich robataŭ. Jany pavinny znachodzić i adpužvać miadźviedziaŭ, pieraadolvajučy stromkija schiły, zavały i hustyja zaraśniki.
Vypraboŭvajuć i drony ź piarcovym sprejem: na adnoj z demanstracyj rolu miadźviedzia vykonvaŭ supracoŭnik horada ŭ kaściumie źviera.
Technałohii dapamahajuć i palaŭničym. U Sibecu dakładnaja GPS-karta pakazvaje ŭ realnym časie, dzie znachodziacca roznyja hrupy palaŭničych, palicejskich i miascovych słužboŭcaŭ. Heta źnižaje ryzyku vypadkova strelić u čałavieka padčas pieraśledu źviera.
Ale daśledčyk z Univiersiteta Ivate Kijosi Jamaŭci papiaredžvaje: miadźviedzi vučacca. Kali pryłada nie stvaraje dla ich realnaj pahrozy, jany mohuć pryzvyčaicca da jaje i pierastać reahavać.
«Važna nie ličyć, što prostaje ŭstalavańnie novaj technałohii aznačaje, što prablema vyrašanaja», — padkreślivaje jon.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
Bo papulacyja mišak budzie iści siudy z Rasiei i dalej.
Ale, pakolki na Biełarusi mieńš bieśpierapynnych masivaŭ lesu, adpaviedna jany buduć usio čaściej vychodzić da čałavieka.