Nacyjanalny bank Biełarusi z 20 kastryčnika vypuskaje ŭ abaračeńnie załatuju inviestycyjnuju manietu «Słavianka» 2026 hoda vypusku naminałam 100 rubloŭ, paviedamlaje BiełTA.
Manieta važyć 15,55 hrama, maje dyjamietr 27,9 mm, vyrablena z zołata 999,9 proby, a jaje tyraž składaje 1000 štuk.
Na reviersie ŭ centry raźmieščanaja reljefnaja vyjava maładoj žančyny-słavianki z maleńkim dziciom na rukach. Pa bakach ad jaje znachodziacca dźvie rajskija ptuški, jakija dapaŭniajuć kampazicyju. U vierchniaj častcy pa kole zrobleny nadpis «SŁAVIANKA».
Manietu adčakanili na Homielskim vytvorčym abjadnańni «Kryštal» — kiraŭničaj kampanii chołdynhu «KRYŠTAL-CHOŁDYNH».
Z 20 kastryčnika taksama vypuskajucca dźvie pamiatnyja maniety sieryi «Biełaruski narodny kaścium», pryśviečanyja staradarožskamu stroju. Heta srebranaja manieta naminałam 20 rubloŭ masaj 33,63 hrama, dyjamietram 50 mm i tyražom 3000 štuk, a taksama miedna-nikielevaja manieta naminałam 1 rubiel masaj 30 hramaŭ, dyjamietram 50 mm i tyražom 5000 štuk.
Na abiedźviuch manietach na aviersie i reviersie ŭ centry pakazanyja elemienty nacyjanalnaha biełaruskaha kaściuma. Ich adčakanili na Kazachstanskim manietnym dvary Nacyjanalnaha banka Respubliki Kazachstan.
Usie hetyja maniety źjaŭlajucca zakonnym płaciežnym srodkam Biełarusi. Ich abaviazanyja prymać pa naminalnym košcie pry ŭsich vidach płaciažoŭ bieź jakich-niebudź abmiežavańniaŭ. Pra datu pastupleńnia maniet u prodaž Nacyjanalny bank paviedamić dadatkova.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary
A-la koje-kto, u koho "braťja" eto čiechi i, počiemu-to, vienhry. Tolko i tie, i druhije śmiejutsia, kohda im ob etom hovoriš :)