U Minsku za $6000 pradajuć manietu z 1990-ch, ź jakoj adbyłasia nievierahodnaja chimičnaja reakcyja
Na płatformie «Kufar» źjaviłasia niezvyčajnaja prapanova z pryvatnaj kalekcyi — rasijskaja piacirublovaja manieta 1998 hoda, jakaja, jak miarkujecca, paśla čakanki była padvierhnutaja mahnitna-impulsnamu abciskańniu. Prynamsi, takoje ŭładalniku śćviardžajuć niekalki płatnych viersij štučnaha intelektu.
Aŭtar abjavy śćviardžaje, što manieta mahła być apracavanaja z dapamohaj tak zvanaha mahnitnaha «šrynkiera». Zvyčajnuju ŭžo adčakanienuju manietu źmiaścili ŭ nievialikuju šmatvitkovuju špulku — salenoid. Paśla taho ŭ hetu špulku na vielmi karotki čas razradzili mahutnuju batareju vysakavoltnych kandensataraŭ.
U vyniku ŭźnik impuls toku siłaj u dziasiatki abo navat sotni tysiač ampieraŭ. Chutka źmienlivaje mahnitnaje pole špulki vyklikała ŭ maniecie mahutny vichravy tok. Pavodle zakona Lenca, jaho mahnitnaje pole supraćdziejničała polu špulki.
Z-za hetaha pa ŭsioj vonkavaj akružnaści maniety ŭźnikła vielmi mocnaja siła, nakiravanaja da centra. Manieta ścisnułasia adnačasova pa ŭsim pierymietry, a nie z adnaho boku. Sam praces u padobnych ekśpierymientalnych ustanoŭkach moža zajmać usiaho dziasiatki mikrasiekundaŭ.
Mienavita tamu manieta zachavała amal idealna kruhłuju formu: uździejańnie było simietryčnym pa ŭsioj akružnaści.
Pry hetym manieta stała mienšaj u dyjamietry i taŭściejšaj. Mietał pry takoj apracoŭcy faktyčna nie źnikaje, tamu masa zastajecca praktyčna takoj ža. Kali płošča kruha pamianšajecca, toj ža abjom mietału pavinien pieramiaścicca ŭ taŭščyniu.
Inšymi słovami, manieta nie «sochnie» na atamnym uzroŭni, a płastyčna pierafarmiroŭvajecca: dyjamietr pamianšajecca, a mietał vyciskajecca ŭvierch i ŭniz, pavialičvajučy taŭščyniu.
Pa słovach uładalnika, malunak na maniecie taksama pamienšyŭsia praparcyjna. Heta aznačaje, što havorka idzie nie pra novuju pamienšanuju matrycu dla čakanki, a pra pieršapačatkovy malunak, jaki ścisnuŭsia razam z samim mietałam.
Zvyčajny bytavy elektramahnit, transfarmatar abo pastajannaje mahnitnaje pole takoha efiektu stvaryć nie mohuć. Dla hetaha nieabchodnaja śpiecyjalnaja impulsnaja ŭstanoŭka z vysakavoltnaj kandensatarnaj batarejaj i mahutnym salenoidam. Pry takich ekśpierymientach pracoŭnaja špulka moža sama razburycca z-za vielizarnych miechaničnych nahruzak, tamu abstalavańnie raźmiaščajuć u tryvałaj achoŭnaj kamiery.
Aŭtar abjavy ličyć, što toje, što ŭ jaho jość — sapraŭdnaja rasijskaja piacirublovaja manieta 1998 hoda, jakaja ŭžo paśla čakanki była padvierhnutaja mahnitna-impulsnamu abciskańniu. Prytym heta nie vytvorčy brak rasijskaha Manietnaha dvara, a ekśpierymientalna pierarobleny numizmatyčny pradmiet.
Zajaŭlenaja masa maniety — 6,51 hrama. Na dumku jaje ŭładalnika, heta dobra adpaviadaje viersii ab zachavańni asnoŭnaj kolkaści mietału paśla ściskańnia.
Asobna aŭtar abjavy źviartaje ŭvahu na radyjalnyja linii, jakija źjavilisia na pavierchni maniety. Pavodle jaho słoŭ, jany ŭtvarajucca ŭ pracesie defarmacyi i źjaŭlajucca ŭnikalnymi: navat dźvie adnolkavyja maniety, apracavanyja ŭ adnolkavych umovach, nie buduć mieć całkam adnolkavaha malunka takich linij.
Tamu pradaviec nazyvaje manietu realnym numizmatyčnym unikalnym artefaktam, jaki vielmi ciažka znajści ŭ zvyčajnym prodažy, i padkreślivaje, što takaja manieta moža stać adzinym padobnym ekzemplaram u pryvatnaj kalekcyi. Choča jon za jaje pakul što 18 100 rubloŭ, ale hatovy abmiarkoŭvać canu z sapraŭdy surjoznymi i zacikaŭlenymi ludźmi.
Chłopiec chodzić pa bankach, kab kupić 50 tysiač adnakapieječnych maniet. Navošta?
Na Słonimščynie školniki znajšli 500 artefaktaŭ i manietu XVII stahodździa
1‑rublovuju manietu na eBay pradajuć za $50
Za biełaruskuju manietu naminałam 50 rubloŭ prosiać 2150 dalaraŭ
Nacbank źmianiŭ praviły abmienu paškodžanych maniet
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta10
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary