Dola maładych śpiecyjalistaŭ siarod nastaŭnikaŭ składaje šeść pracentaŭ
U krainie pracuje 98 tysiač nastaŭnikaŭ.
U Biełarusi 6% nastaŭnikaŭ — heta maładyja śpiecyjalisty. Takija źviestki napiaredadni Dnia nastaŭnika pradstaviŭ Nacyjanalny statystyčny kamitet (Biełstat), paviedamlajuć Minsk-naviny.
U krainie dziejničaje kala 2,8 tysiačy škoł, u jakich pracujuć 98 tysiač nastaŭnikaŭ.
U siarednim na adnaho nastaŭnika prypadaje 11 vučniaŭ, pryčym u haradach i haradskich pasiołkach — 13, u sielskich nasielenych punktach — šeść vučniaŭ.
Dola žančyn składaje 87,5%. Vyšejšuju adukacyju majuć 93%, vyšejšuju abo pieršuju kvalifikacyjnuju katehoryju — 79,8 %. Staž pracy 69,2 % nastaŭnikaŭ pieravyšaje 15 hadoŭ.
Siarod nastaŭnikaŭ-pradmietnikaŭ najbolšaja dola žančyn siarod piedahohaŭ, jakija vykładajuć ruskuju movu i litaraturu (98,2%), biełaruskuju movu i litaraturu (97,9%), zamiežnyja movy (95,8%), bijałohiju (92,7%), vyjaŭlenčaje mastactva i čarčeńnie (91,8%).
Mužčyn bolš siarod tych, chto vykładaje fizičnuju kulturu (54,8%) i dapryzyŭnuju i miedycynskuju padrychtoŭku (54,2%). Siarod «trudavikoŭ» dola nastaŭnikaŭ-mužčyn składaje 37,7%, nastaŭnikaŭ fiziki — 34,1 %, historyi i inšych hramadskich dyscyplin — 29,2 %.
Siaredni ŭzrost biełaruskaha nastaŭnika — 43,6 hoda.
Što tyčycca zarobkaŭ, to ŭ studzieni — žniŭni 2026 hoda piedahohi ŭ siarednim atrymlivali 2833,4 rubla «brudnymi» (2436 rubla — «čystymi»).
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec74
Kamientary