U Pakistanie ŭ mašynie chutkaj dapamohi vybuchnuŭ kisłarodny bałon. Jak minimum 10 achviar
U paŭdniovaj častcy Pakistana vybuchnuŭ kisłarodny bałon u pryparkavanaj mašynie chutkaj dapamohi kala dziaržaŭnaj miedycynskaj ustanovy. Zahinuli jak minimum 10 čałaviek, u tym liku pacyjent hetaj ustanovy, paviedamlaje ABC News.
Jak paviedamiŭ načalnik akruhovaj palicyi Aryf Aziz, vybuch adbyŭsia ŭ pravincyi Sind. Siarod paciarpiełych byli supracoŭniki miedycynskaj ustanovy, pacyjenty i ich svajaki.
Pradstaŭnik miascovaj palicyi Chalił Abra paviedamiŭ, što paśla vybuchu pacyjentaŭ pieraviali ŭ inšuju balnicu.
Prezident Pakistana Asif Ali Zardary vykazaŭ spačuvańni siemjam zahinułych i zaklikaŭ pravieści chutkaje i prazrystaje rasśledavańnie, kab vyśvietlić pryčyny zdareńnia. Jon taksama zaklikaŭ ułady ŭzmacnić miery biaśpieki, kab nie dapuścić padobnych incydentaŭ, i pažadaŭ paciarpiełym chutčejšaha vyzdaraŭleńnia.
U žniŭni ŭ tym ža Pakistanie pažar, vyklikany vybucham kandycyjaniera, zabraŭ žyćci 14 novanarodžanych u adździaleńni dla niemaŭlat Pakistanskaha instytuta miedycynskich navuk u Isłamabadzie. Adzinaje dzicia, jakoje tady ŭdałosia vyratavać z adździaleńnia, pamierła praź niekalki tydniaŭ. Takim čynam, ahulnaja kolkaść zahinułych u tym zdareńni dasiahnuła 15 čałaviek.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
Tolki pažar masła ci paliva moh takoje zrabić.