U Pakistanie abrynuŭsia dach škoły, zahinuli jak minimum 27 vučniaŭ i nastaŭnik
Jašče 19 čałaviek atrymali traŭmy.
U pakistanskim Piešavary ŭ čaćvier abrynuŭsia dach škoły, u vyniku zahinuli jak minimum 28 čałaviek. Jak paviedamiŭ Bi-bi-si pres-sakratar piešavarskaj balnicy Ledzi Redynh Machamad Asim, siarod zahinułych — 27 vučniaŭ i adzin nastaŭnik.
Jašče 19 čałaviek, pavodle słoŭ Asima, atrymali traŭmy, piaciora ź ich znachodziacca ŭ krytyčnym stanie. Usie zahinułyja i traŭmavanyja dzieci — va ŭzroście ad šaści da 12 hadoŭ, u bolšaści ź ich — traŭmy hałavy.
Vyratavalniki miarkujuć, što pad abłomkami mohuć zastavacca jašče dzieci. Pavodle słoŭ kiraŭnika piešavarskaj palicyi Mijana Saida, u škole było 110 vučniaŭ.
Katastrofa adbyłasia ŭ pryvatnaj škole «Adukacyjny centr Al-Chair» na poŭnačy Piešavara, stalicy pravincyi Chajbier-Pachtunchva.
Pradstaŭnik vyratavalnaj słužby raskazaŭ žurnalistam, što ŭ škole abrynuŭsia dach nad trecim paviercham. Jon upaŭ na pierakryćcie pamiž trecim i druhim pavierchami, i jany razam abrynulisia na vučniaŭ u kłasach.
Pryčyny abvalvańnia aficyjna jašče nie ŭstanoŭlenyja, ale kiraŭnik palicyi Said skazaŭ žurnalistam, što, pavodle jaho źviestak, pryčynaj stała nietryvałaja kanstrukcyja budynka.
«Heta słabaja kanstrukcyja. Dach byŭ zanadta ciažki i abapiraŭsia na słabuju kanstrukcyju, što i pryviało da abvalvańnia», — cytuje Saida ahienctva Reuters.
Ofis prezidenta krainy Asifa Ali Zardary zajaviŭ u sacyjalnaj sietcy X, što hetaja trahiedyja ŭzrušyła ŭsiu krainu i što prezident taksama ščyra spačuvaje rodnym zahinułych dziaciej.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary