Abjavili hałasavańnie za «Raślinu 2027 hoda»

Pretendenty — nastupnyja:

1) Vienieryn čaravičak zvyčajny (Cypripedium calceolus) — archideja z samaj vialikaj kvietkaj u Biełarusi, uklučanaja ŭ Čyrvonuju knihu jak uraźlivy vid. Ćvicie pieršy raz tolki praz 8‑17 hadoŭ. Papulacyi frahmientavanyja, vid zaznaje ad zboru i parušeńnia miescaŭ vyrastańnia (vysiečka lesu, asušalnaja mielijaracyja, zarastańnie chmyzami). Patrebny pošuk i pieradača pad achovu novych miescaŭ i manitorynh viadomych łakacyj.

2) Dub zvyčajny (Quercus robur) — mahutnaje dreva, jakoje padtrymlivaje mnostva vidaŭ raślin i žyvioł. Dub dobra paznavalny, padychodzić dla kampanii z akcentam na zachavańnie staraŭzrostavych lasoŭ. Masavaja vysadka duboŭ pa krainie z pryciahnieńniem školnikaŭ dazvolić pryciahnuć uvahu da hetaha karennaha vidu i dać dzieciam praktyčny vopyt pasadki i dohladu za drevami. Možna było b zrabić duby bolš zvyčajnymi ŭ našych haradach.

3) Krapiva dvuchdomnaja (Urtica dioica) — pakul zvyčajnaja raślina, jakuju ŭsprymajuć jak pustazielle. Ź joj viadziecca sistemnaja baraćba (u tym liku hierbicydami), pry hetym jaje ekałahičnaja rola ihnarujecca. Kampanija moža dapamahčy złamać hety šabłon i matyvavać ludziej zachoŭvać učastki krapivy jak «minireziervaty» dla matyloŭ i ptušak. Bo nieprykmietnaja krapiva — karmavaja raślina dla vusieniaŭ najpryhažejšych matyloŭ: krapiŭnicy, paŭlinavaha voka, admirała, rapiejnicy i vuhłakrylnicy. U joj hniazdujucca čarotaŭki, leski i sałaŭi.

4) Linieja paŭnočnaja (Linnaea borealis) — pryhožy reliktavy viečnazialony paziemisty kuścik, śviedka ledavikovaha pieryjadu. Nazvu atrymaŭ u honar batanika Karła Linieja, 320‑hodździe z dnia naradžeńnia jakoha budzie adznačacca ŭ 2027 hodzie. Praź źmieny klimatu, pažary i vysiečki starych lasoŭ hety ŭraźlivy vid uklučany ŭ nacyjanalnuju Čyrvonuju knihu. Patrebnyja pošuk i pieradača pad achovu novych miescaŭ vyrastańnia i manitorynh viadomych łakacyj.

5) Ramonak aptečny (Matricaria recutita) — paznavalny i lubimy mnohimi adnahadovik. U Biełarusi sustrakajecca pieravažna na ŭskrajku paloŭ i na parušanych učastkach, asnoŭnyja ž płoščy zaniatyja kulturnymi pasievami.

6) Čabor zvyčajny (Thymus vulgaris) — nizki šmathadovy paŭchmyźniak z mocnym vostrym vodaram. Adna z samych paznavalnych raślin Biełarusi. Važnaja krynica niektaru dla pčoł, čmialoŭ i matyloŭ.

Addać svoj hołas za adnaho z kandydataŭ možna da 4 listapada ŭklučna na nastupnych placoŭkach arhanizataraŭ kampanii (hałasy z usich placovak buduć sumavacca):

• Telegram-kanał «Dzikaja pryroda pobač».
• Huhł-forma HA «Bataničnaje tavarystva».
• Telegram-kanał «Smartpress.by / Novosti».
• Viber-kanał «Smartpriess Priroda».
• Sajt Smartpress.by.

Bolš infarmacyi pra kandydataŭ — tut. 

• 0
• 0
• 1
• 0
• 0
• 0
• 0
• 0