Доля маладых спецыялістаў сярод настаўнікаў складае шэсць працэнтаў
У краіне працуе 98 тысяч настаўнікаў.
У Беларусі 6% настаўнікаў — гэта маладыя спецыялісты. Такія звесткі напярэдадні Дня настаўніка прадставіў Нацыянальны статыстычны камітэт (Белстат), паведамляюць Мінск-навіны.
У краіне дзейнічае каля 2,8 тысячы школ, у якіх працуюць 98 тысяч настаўнікаў.
У сярэднім на аднаго настаўніка прыпадае 11 вучняў, прычым у гарадах і гарадскіх пасёлках — 13, у сельскіх населеных пунктах — шэсць вучняў.
Доля жанчын складае 87,5%. Вышэйшую адукацыю маюць 93%, вышэйшую або першую кваліфікацыйную катэгорыю — 79,8 %. Стаж працы 69,2 % настаўнікаў перавышае 15 гадоў.
Сярод настаўнікаў-прадметнікаў найбольшая доля жанчын сярод педагогаў, якія выкладаюць рускую мову і літаратуру (98,2%), беларускую мову і літаратуру (97,9%), замежныя мовы (95,8%), біялогію (92,7%), выяўленчае мастацтва і чарчэнне (91,8%).
Мужчын больш сярод тых, хто выкладае фізічную культуру (54,8%) і дапрызыўную і медыцынскую падрыхтоўку (54,2%). Сярод «трудавікоў» доля настаўнікаў-мужчын складае 37,7%, настаўнікаў фізікі — 34,1 %, гісторыі і іншых грамадскіх дысцыплін — 29,2 %.
Сярэдні ўзрост беларускага настаўніка — 43,6 года.
Што тычыцца заробкаў, то ў студзені — жніўні 2026 года педагогі ў сярэднім атрымлівалі 2833,4 рубля «бруднымі» (2436 рубля — «чыстымі»).
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары