U biełaruskim sanatoryi budujuć strunnuju pasažyrskuju darohu: zalili padmurak pad apory i pačali źbirać vahony
U śniežni minułaha hoda stała viadoma, što ŭ Biełarusi pačali budavać jašče adnu strunnuju pasažyrskuju darohu. Miescam realizacyi prajekta vybrali sanatoryj «Sosny» Kiraŭnictva spravami Łukašenki (jon znachodzicca ŭ Miadzielskim rajonie na voziery Narač). Prajekt praduhledžvaje budaŭnictva adnaputnaj linii, jakaja złučyć žyły korpus z novym spa-kompleksam. Trasa projdzie pasiarod sasnovaha lesu, piša Blizko.by.
Strunny transpart uST — heta prajekt hramadskaha transpartu, u jakim bieśpiłotnyja elektramabili ruchajucca pa rejkava-strunnaj estakadzie, ustalavanaj na aporach nad ziamloj.
Kampanija, jakaja raspracoŭvaje strunny transpart, nazyvajecca ZAT «Strunnyja technałohii». Inžynier Anatol Junicki prasoŭvaje svaju ideju jašče z savieckaha času. Na ŭskrainie Marjinaj Horki dziejničaje ekatechnapark, dzie vypraboŭvajuć i demanstrujuć transpartna-infrastrukturnyja kompleksy.
Pieršaja kamiercyjnaja linija «Juniłajt» pracuje na terytoryi ekaparka «Akvarel». Taksama kampanija prasoŭvaje svaje napracoŭki ŭ AAE, dzie pracuje R&D-centr. U teoryi vahony na strunnaj darozie mohuć dasiahać chutkaściaŭ u niekalki sotniaŭ kiłamietraŭ za hadzinu. Ale na praktycy takija chutkaści jašče nie demanstravalisia.
U žniŭni kampanija paviedamiła, što pačali ŭzvodzić padmurki pad ankiernyja i pramiežkavuju apory estakady. Praces uklučaje ŭ siabie padrychtoŭku asnovy, uładkavańnie bietonnaj padrychtoŭki, ustanoŭku armaturnych karkasaŭ i ankiernych bałtoŭ pad bazy mietaličnych kałon.
Asnoŭnaja haryzantalnaja nahruzka pieradajecca mienavita na ankiernyja apory. Tamu ich padmurki ŭjaŭlajuć saboj masiŭnyja padziemnyja žalezabietonnyja kanstrukcyi, jakija składajucca ź plitnaj i ścienavoj častki.
Z zavoda XinGuangZheng u horadzie Cindao pravincyi Šandun (Kitaj) adpraŭlajucca ŭ Biełaruś mietaličnyja kanstrukcyi ankiernych i pramiežkavaj opor. Da prybyćcia ich na budaŭničuju placoŭku ŭsie raboty nulavoha cykła buduć zavieršanyja, budaŭniki prystupiać da mantažu siłavoj častki mietałakanstrukcyj estakady.
U lipieni pačalisia raboty pa zborcy elektryčnaha vahončyka-bieśpiłotnika, kampanija nazyvaje jaho słovam «junimabil». A ŭčora kampanija paviedamiła, što na zavodzie prystupili da zborki ciahavaha i pasažyrskaha modulaŭ junimabila U5-54220-01.
Ciapier u ciahavy modul mantujecca padvieska, a taksama šerah sistem: pnieŭmatyčnaja, hidraŭličnaja, achaładžeńnia i kandycyjanavańnia. Naprykład, u klimatyčnaj vykarystoŭvajucca čatyry vysakavoltnyja elektryčnyja nahravalniki sumarnaj mahutnaściu da 11 kVt, a aciapleńnie možna hnutka padstrojvać pad tempieraturu na dvary.
Hety U5- 54220‑01 pryznačany dla chutkaj i kamfortnaj dastaŭki adpačyvalnikaŭ z žyłoha błoka sanatoryja ŭ novy vełnies-centr i nazad. U sałonie, raźličanym na šeść siadziačych miescaŭ, praduhledžanaja pieravozka invalida-vazočnika.
Ciapier čytajuć
Studentak biełaruskich VNU abaviazali terminova zapoŭnić ankietu z paznačeńniem svajho rostu74
Kamientary