Stała viadoma, jak budzie vyhladać abnoŭlenaja Vaładarka znutry FOTY
Rekanstrukcyju Piščałaŭskaha zamka, budynka byłoha SIZA-1 na vulicy Vaładarskaha ŭ centry Minska płanujuć zaviaršyć u 2027 hodzie. Upieršyniu ahienctva «Minsk-Naviny» apublikavała rendery taho, jak buduć vyhladać unutranyja pamiaškańni paśla pierabudovy.
Asnoŭnaja meta zajaŭlenych rabot — maksimalna nablizić budynak da jaho pieršapačatkovaha vyhladu. Fasadu viernuć vochrystaje adcieńnie, jakoje jon mieŭ kala 200 hadoŭ tamu, adnoviać dekaratyŭnyja pajasy i karnizy. Kavanuju leśvicu zachavajuć i adrestaŭrujuć. Taksama adnoviać vintavuju leśvicu ŭ adnoj ź viežaŭ, adkul adkryvajecca vid na Minsk.
Ciapier budaŭniki rychtujuć budynak da asnoŭnaha etapu rekanstrukcyi: umacoŭvajuć padmurak i źniešnija ścieny, padpirajuć stoli. Paśla hetaha ŭnutry zamka raźbiaruć usie pieraharodki, pakinuŭšy tolki karkas budynka.
Na pieršych dvuch pavierchach płanujuć raźmiaścić fudchoły. Pieraharodki, jakija raniej padzialali kamiery, tam prybiaruć. Budaŭniki adznačajuć, što pieršapačatkova hetych ścien taksama nie było — unutry znachodzilisia vialikija zały.
Całkam adnoviać i čaćviortuju viežu zamka, jakaja abrynułasia ŭ 2008 hodzie.
Sam Piščałaŭski zamak buduć rekanstrujavać na apošnim etapie. Raniej za jaho płanujuć zaviaršyć adnaŭleńnie adnapaviarchovaj stajni, jakuju faktyčna ŭzvodziać nanova. Raboty tam užo nabližajucca da zaviaršeńnia, paśla čaho ŭ budynku adkryjuć kaviarniu. Zatym pačniecca rekanstrukcyja byłoha budynka administracyi.
Usiaho prajekt praduhledžvaje niekalki etapaŭ. Na pieršym źnieśli niepryvabnyja budynki, jakija nie majuć histaryčnaj kaštoŭnaści. Ciapier praciahvajecca druhi etap. Na trecim niepasredna zojmucca zamkam. Paśla zaviaršeńnia rekanstrukcyi prybiaruć i ścianu vakoł terytoryi. Raniej jana była častkaj turemnaj aharodžy, a ciapier vykarystoŭvajecca dla abmiežavańnia dostupu na budaŭničuju placoŭku. Paśla jaje demantažu terytoryja zamka stanie adkrytaj prastoraj.
Piščałaŭski zamak byŭ pabudavany ŭ centry Minska ŭ 1825 hodzie jak astroh. Na praciahu amal 200 hadoŭ jon i vykarystoŭvaŭsia jak turemnaja ŭstanova. Z 1940‑ch hadoŭ tut raźmiaščaŭsia SIZA № 1, viadomy ŭ narodzie jak Vaładarka — pavodle nazvy vulicy Vaładarskaha. Heta była adna z samych viadomych turemnych ustanoŭ Biełarusi. U 2024 hodzie izalatar rasfarmavali, a jaho funkcyi pieranieśli ŭ Kaladzičy.
Paśla rekanstrukcyi ŭ zamku płanujuć raźmiaścić roznyja arhanizacyi i kamiercyjnyja prajekty. Siarod zajaŭlenych brendaŭ — «Minatel», «Akva-Minsk», «Biełkaapsajuz», biznes-centr «Stalica», handlovy centr «Stalica» i «Kamunarka».
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt10
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary