Byłuju nastaŭnicu z hańbaj vyhnali z kancertu ŭ minskaj himnazii №4. Jon byŭ pryśviečany Dniu nastaŭnika
Minčanka Taćciana, jakaja chacieła pačakać dačku z kancerta ŭ himnazii, płača, kali raskazvaje pra publičnuju źniavahu z boku dyrektara.
Pra aburalny vypadak biełaruska raspaviała ŭ tredsach. Dačka Taćciany vučycca ŭ staličnaj himnazii №4. Žančyna kaža, što zvyčajna nie zachodzić u navučalnuju ŭstanovu — čakaje dzicia na dvare, kab potym advieźci na hurtki ci damoŭ. Apošni raz Taćciana była ŭ budynku himnazii, kali śviatkavali Maślenicu.
Ale ž u piatnicu Taćciana čakała dačku hadzinu — u himnazii išoŭ kancert, pryśviečany Dniu nastaŭnika. U niejki momant žančyna paprasiła vachciora prapuścić jaje ŭ zału. Maci, jakaja sama raniej była nastaŭnicaj biełaruskaj movy, nie bačyła nijakaj kramoły ŭ tym, kab pahladzieć dziciačy kancert.
Dyrektar himnazii, były čynoŭnik Andrej Hocman pieratvaryŭ śviata ŭ cyrk.
Čytajcie pra Hocmana: Dyrektaram minskaj biełaruskamoŭnaj himnazii pryznačyli dyrektara ruskamoŭnaj škoły
«Dyrektar pry ŭsich mianie vyhnaŭ. Z zały vyvieŭ, skazaŭ: «Achovu zaraz vyklikaju». Dyrektar 4‑j himnazii. Ja kažu: «Ja vaša eks-kaleha, ja pracavała nastaŭnicaj biełaruskaj movy ŭ škole». Ja nie čakała, što na mianie [buduć vyklikać] achovu. Jašče skazaŭ, što ja jaho abražała. Nie, ja skazała: «Nie, idzi hladzi. A ja pajdu sama. Mianie nie treba vyhaniać u Hod biełaruskaj žančyny, nastaŭnicu…», — Taćciana hłytaje ślozy, kali ŭspaminaje pra niepavahu.
Pa słovach Taćciany, dyrektar spytaŭ u jaje, ci viedaje jana, što baćkam zabaroniena ŭvachodzić u himnaziju. Jana adkazała, što sapraŭdy nie viedała pra takuju žorstkuju zabaronu.
Dopis zavirusiŭsia. U kamientarach znajšlisia i inšyja ludzi, jakija miakka kažučy, ździŭleny pavodzinami dyrektara: «Letaś byŭ jubilej himnazii. Byłych nastaŭnikaŭ nie zaprasili. Ja adpracavała tam 21 hod».
Taćciana atrymała šmat padtrymki.
Nastaŭnica z Karmy sabrała kalekcyju z 3000 redkich sartoŭ tamataŭ
Jak u Polščy pracujuć baćkoŭskija kamitety ŭ škołach i kolki źbirajuć hrošaj
Jak u biełaruskich škołach abšukvajuć dziaciej VIDEA
«Zrazumieła: vykładańnie, vidać, zanadta stresavaje dla mianie». Nastaŭnica ź Biełarusi vyrašyła źmianić žyćcio i stała ściuardesaj
Ciapier čytajuć
Dzie pracujuć i jak vyhladajuć žonki top-čynoŭnikaŭ?1
Kamientary