Nastaŭniku matematyki siaredniaj škoły №5 Smalavičaŭ Dzianisu Dubanieviču ŭ Pałacy Respubliki ŭručyli hałoŭny pryz konkursu «Nastaŭnik hoda — 2026» — «Vialikaha kryštalnaha žuraŭla» i klučy ad novaha aŭtamabila Geely. Jon pieramoh u respublikanskim konkursie prafiesijnaha majsterstva, piša BiełTA.
Dubanievič raskazaŭ, što padrychtoŭka da konkursu zaniała amal hod. Na hetym šlachu jaho padtrymlivali siamja, kalehi i abłasny instytut raźvićcia adukacyi. U respublikanskim konkursie jon udzielničaŭ druhi raz. U 2014 hodzie nastaŭnik zaniaŭ pieršaje miesca na rajonnym etapie, ale nie prajšoŭ dalej.
Hetym razam jon nie adrazu pahadziŭsia na prapanovu dyrektara paŭtorna ŭdzielničać u konkursie, ale ŭ vyniku vyrašyŭ pasprabavać. Pavodle jaho słoŭ, konkurs staŭ dla jaho mahčymaściu paznajomicca z vysokakvalifikavanymi śpiecyjalistami i prafiesijanałami ŭ svajoj spravie.
Nastaŭnikam matematyki Dubanievič staŭ pa prykładzie svajoj maci, jakaja vykładaje hety pradmiet amal 50 hadoŭ. Siarod vynikaŭ jaho pracy — vučni, jakija atrymlivali dypłomy na zaklučnym etapie respublikanskaj alimpijady, pieramahali ŭ abłasnych, respublikanskich i mižnarodnych navukova-praktyčnych kanfierencyjach. Troje jaho vučniaŭ atrymali pa 100 bałaŭ na centralizavanym ekzamienie i centralizavanym teściravańni.
Hałoŭnym pryncypam u pracy ź dziećmi Dubanievič nazyvaje pavažlivaje staŭleńnie da vučniaŭ. Jon ličyć, što dzicia pavinna mieć prava na pamyłku.
Nastaŭnik taksama adznačaje, što sučasny piedahoh pavinien pastajanna sačyć za tym, što cikavić dziaciej, i iści ŭ nahu z časam. Novyja hadžety i technałohii źjaŭlajucca vielmi chutka, tamu nastaŭniku nieabchodna być hatovym razmaŭlać z vučniami i na hetyja temy.
Pry hetym, pavodle jaho słoŭ, admaŭlacca ad tradycyjnych piedahahičnych mietadaŭ nie varta. Mnohija ź ich prajšli vyprabavańnie časam, ale ich nieabchodna adaptavać da sučasnych umoŭ.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt11
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary