Papularnaść pravapapulisckaj partyi «Alternatyva dla Hiermanii» upieršyniu dasiahnuła 30% pa ŭsioj Hiermanii. Pra heta śviedčać vyniki apytańnia, praviedzienaha sacyjałahičnym instytutam INSA na zamovu haziety Bild.
U paraŭnańni z papiarednim tydniem padtrymka AdH vyrasła na adzin pracentny punkt i skłała 30%. Adnačasova padtrymka kiroŭnaha błoka CHDS/CHSS źniziłasia na adzin punkt — da 18%. Takim čynam, roźnica pamiž hetymi palityčnymi siłami pavialičyłasia da 12 pracentnych punktaŭ. Dla CHDS i CHSS vynik u 18% staŭ najnižejšym za ŭsiu historyju.
Sacyjał-demakratyčnaja partyja Hiermanii zachavała 14% padtrymki i ciapier adstaje ad CHDS/CHSS na čatyry punkty. «Zialonyja» stracili adzin punkt i taksama majuć 14%. «Levyja» zachavali pakazčyk u 10%.
Partyja BSW, raniej viadomaja jak «Aljans Sary Vahienkniecht», pavialičyła padtrymku z 3% da 4%. Volnaja demakratyčnaja partyja zastałasia na ŭzroŭni 4%. Takim čynam, abiedźvie partyi pa-raniejšamu nie pieraadolvajuć piacipracentny barjer, nieabchodny dla prachodžańnia ŭ Bundestah.
Apytańnie INSA pravodziłasia z 28 vieraśnia pa 2 kastryčnika. U im udzielničali 1202 vybarščyki, jakich apytvali pa telefonie i praź internet.
Ciapier u Hiermanii abvastryłasia kryzisnaja situacyja ŭ kaalicyi CHDS/CHSS i SDPH. Prezident Frank-Valter Štajnmajer byŭ vymušany ŭmiašacca ŭ sprečki pamiž partniorami pa ŭradavaj kaalicyi, pakolki vykazaŭ zaniepakojenaść adnosna jaje budučyni.
Inšyja apytańni pakazvali taksama nizki ŭzrovień zadavolenaści pracaj kanclera Frydrycha Mierca. Pavodle jašče adnaho niadaŭniaha daśledavańnia, kali b vybary ŭ Bundestah prajšli ŭ bližejšuju niadzielu, AdH atrymała b najbolšuju padtrymku ŭ Paŭnočnym Rejnie — Viestfalii, jakaja źjaŭlajecca rodnaj ziamloj Mierca.
U Jeŭropie ŭžo dumajuć, jak buduć žyć bieź Mierca na čale Hiermanii
Piter Cil: Zachad uratujuć nie pryhožyja słovy, a ciažkaja praca. Hałoŭny pryncyp maje być «spracoŭvaje ci nie spracoŭvaje»
«Katastrofa». Partyja Mierca nie prajšła ŭ parłamient u Piaredniaj Pamieranii
Los Mierca vyrašajuć vybary na ŭschodzie Hiermanii
Rasija ŭžo pačała razmaŭlać z «Alternatyvaj dla Hiermanii» pra mahčymaść adnaŭleńnia pastavak rasijskaha hazu
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy8
Kamientary