Pad Brestam kitajcy budujuć ciaplicu, dzie za ahurkami i pamidorami budzie sačyć štučny intelekt
Ciaplicu piataha pakaleńnia płoščaj 1,6 hiektara płanujuć uźvieści da kanca 2026 hoda.
Novuju ciaplicu budujuć na terytoryi kambinata «Bieraście» ŭ Bresckim rajonie, paviedamlaje BiełTA. Prajekt realizujuć razam z kitajskimi partniorami pavodle pahadnieńnia, padpisanaha ŭ śniežni 2025 hoda ŭ Šanchai.
Kampanija, jakaja pieramahła ŭ tendary, užo vyjšła na placoŭku i pačała padrychtoŭčyja raboty. Abstalavańnie adpravili z Kitaja.
«Padradčyki harantujuć ukłaścisia ŭ terminy. Adnak jość aściarohi nakont taho, jak abstalavańnie projdzie miežy. Kali prablem nie budzie, to da kanca hetaha hoda abiacajuć pabudavać ciaplicu», — raskazaŭ staršynia Bresckaha rajvykankama Ryhor Panasiuk.
Štučny intelekt budzie sačyć za rostam raślin, tempieraturaj i inšymi pakazčykami. Prahramnaje zabieśpiačeńnie stanie kiravać sistemami, jakija padajuć raślinam nieabchodnyja rečyvy, a taksama dadatkovym aśviatleńniem.
U ciaplicy płanujuć kruhły hod vyroščvać ahurki i pamidory. Aŭtamatyzacyja dazvolić atrymlivać bolš pradukcyi z kožnaha kvadratnaha mietra i źnizić vydatki.
Ciapierašniaje budaŭnictva — probny etap prajekta. Kali jon budzie paśpiachovym, ciapličny kompleks mohuć pašyryć jašče na 10 hiektaraŭ. Na trecim etapie razhladajecca dałučeńnie placoŭki da svabodnaj ekanamičnaj zony «Brest».
Kamientary