McDonald’s vinavaciać u tym, što jon z dapamohaju ŠI trymaje vysokija ceny dla tysiač restaranaŭ
«Kab vyciskać z pakupnikoŭ kožnuju kapiejčynu až da apošniaj bulbiny fry».
Suprać McDonald's u ZŠA padali kalektyŭny pazoŭ. Kampaniju abvinavačvajuć u tym, što jana z dapamohaj ałharytmaŭ niezakonna kaardynavała ceny amal u 14 tysiačach restaranaŭ.
Pazoŭ padali ŭ fiederalny sud Čykaha. Jak piša Reuters, pazoŭnik śćviardžaje, što McDonald's i niezaležnyja ŭładalniki restaranaŭ vykarystoŭvali adzinuju sistemu cenavych rekamiendacyj ad ŠI, navučanuju na zakrytych źviestkach ab miljonach štodzionnych pakupak.
Na dumku aŭtaraŭ pazovu, heta mahło parušać antymanapolnaje zakanadaŭstva ZŠA, pakolki niezaležnyja pradpryjemstvy pavinny samastojna vyznačać ceny.
McDonald's nazvaŭ abvinavačańni śpiekulacyjnymi i nieabhruntavanymi.
«Štučny intelekt nie vyznačaje canu Bih Maka abo luboj inšaj pazicyi ŭ mieniu», — zajaviła kampanija. Tam śćviardžajuć, što kančatkovaje rašeńnie prymajuć sami ŭładalniki restaranaŭ, a analityčnyja instrumienty tolki dajuć im rekamiendacyi.
Advakat pazoŭnika Łark Ternier ličyć, što McDonald's vykarystoŭvaje vializny masiŭ źviestak i svaju frančajzinhavuju sistemu, kab «vyciskać z pakupnikoŭ kožnuju kapiejku až da apošniaj bulbiny fry».
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5555
Kamientary